ରଙ୍ଗେଇଲୁଣ୍ଡା : ମାର୍କଣ୍ଡିରୁ ଗୋଟିଏ ଦିନରେ ୩୧ ପଜିଟିଭ ଚିହ୍ନଟ

ଗୋପାଳପୁର : ରଙ୍ଗେଇଲୁଣ୍ଡା ବ୍ଲକ ଅନ୍ତର୍ଗତ ମାର୍କଣ୍ଡି ଗ୍ରାମରେ ଗୋଟିଏ ଦିନରେ ୩୧ ଜଣ କରୋନା ପଜଟିଭ ଚିହ୍ନଟ ହୋଇଥିବା ଜଣାପଡିଛି। ଏହି ୩୧ ଜଣଙ୍କୁ ମିଶାଇ ଏହି ବ୍ଲକରେ ସମୁଦାୟ ୩୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ନୂତନ ୩୯ ଜଣ ଆକ୍ରାନ୍ତ ଚିହ୍ନଟ ପରେ ଏହି ବ୍ଲକରେ ଆକ୍ରାନ୍ତଙ୍କ ସଂଖ୍ୟା ୪୬୬ରେ ପହଞ୍ଚିଥିବା ବେଳେ ଏମାନଙ୍କ ମଧ୍ୟରୁ ୩୪୫ ସୁସ୍ଥ ହୋଇ ଘରକୁ ଫେରିଥିବା ବେଳେ ୧୧୪ ଜଣ ଆକ୍ରାନ୍ତଙ୍କ ଚିକିତ୍ସା ଜାରି ରହିଛି। ଏହି ନୂତନ ଆକ୍ରାନ୍ତଙ୍କ ଚିହ୍ନଟ ପରେ ପୂର୍ବପରି ଏଠାରେ ୧୨୩ଟି ଗାଁ ରୁ ୩୨ ଟି ଗାଁ ରେଡ୍ ଜୋନ୍ ରେ ରହିଥିବା ବେଳେ ୯୧ ଟି ଗାଁ ବର୍ତ୍ତମାନ ଗ୍ରୀନ ଜୋନ୍ ରେ ରହିଛି। ସୋମବାର ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୩୬ ଜଣ ଘରୋଇ ସଙ୍ଗରୋଧରେ ରହି ଚିକିତ୍ସିତ ହେଉଥିବା ବେଳେ ଦୁଇଜଣ କୋଭିଡ ହସପିଟାଲ ଓ ଜଣେ କୋଭିଡ କେୟାର ହୋମକୁ ସ୍ଥାନାନ୍ତରିତ କରାଯାଇଛି।

Comments
Loading...