ଗୋଟିଏ ଘରୁ ପରିବାରର ୩ ଜଣଙ୍କ ଜଳନ୍ତା ମୃତଦେହ ଜବତ ; ହତ୍ୟା ସନ୍ଦେହ

ଆଗ୍ରା : ଉତ୍ତରପ୍ରଦେଶର ଆଗ୍ରାରେ ଗୋଟିଏ ଘରୁ ସୋମବାର ସକାଳେ ୩ଟି ମୃତଦେହ ଉଦ୍ଧାର ହୋଇଥିବା ଜଣାପଡ଼ିଛି। ମୃତକ ମାନେ ସମ୍ପର୍କରେ ବାପା,ମା ଓ ଗୋଟିଏ ପୁଅ ବୋଲି କୁହାଯାଉଛି। ମୃତ ବ୍ୟକ୍ତି ଜଣଙ୍କର ଅର୍ଥାତ ଘରର ମାଲିକ ହାତ ଓ ଗୋଡ଼କୁ ସେଲୋଟେପରେ ବନ୍ଧା ଯାଇଥିଲା। ଘଟଣାଟି ପ୍ରଘଟ ହେବା ପରେ ସମ୍ପୃକ୍ତ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି। ପଡ଼ୋଶୀଙ୍କୁ ମଧ୍ୟ ପଚରାଉଚରା କରୁଛି। ସିସିଟିଭ ଫୁଟେଜ ଯାଞ୍ଚ କରୁଛି। ଉକ୍ତ ୩ଜଣଙ୍କୁ ହତ୍ୟା କରାଯିବା ପରେ ଜଲାଇଦିଆଯାଇଛି ବୋଲି ସନ୍ଦେହ କରାଯାଉଛି।
ଉକ୍ତ ବ୍ୟକ୍ତି ଜଣଙ୍କର ଏକ ଦୋକାନ ରହିଛି। ସେ ଘରେ ନିଜ ପତ୍ନୀ ଓ ପୁଅ ସହ ରହୁଥିଲେ। ଯେତେବେଳେ କିଛି ପଡ଼ୋଶୀ ସକାଳେ ତାଙ୍କ ଘର ନିକଟକୁ ଯାଇଥିଲେ ଭିତର ଦୃଶ୍ୟ ଦେଖି ଭୟଭୀତ ହୋଇଯାଇଥିଲେ। ଏହାପରେ ପୁଲିସକୁ ଖବର ଦେଇଥିଲେ।

Comments
Loading...