ବିଶ୍ୱ ଶ୍ରମିକ ଦିବସରେ ଛେନା ପଣା ବଣ୍ଟନ

ଗଞ୍ଜାମ: ରମ୍ଭା ଚା ଖଟି ସଂଘ ପକ୍ଷରୁ ସ୍ଥାନୀୟ ଗାୟତ୍ରୀ ଶକ୍ତି ପୀଠ ସମ୍ମୁଖରେ ଛେନା ପଣା ବଣ୍ଟନ ସହ ଶକ୍ତି ପୀଠ ପରିସରରେ ଶ୍ରମିକ ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଭ୍ୟ ସନାତନ ବେହେରା, ସମାଜସେବୀ ସୁବାସ ଚନ୍ଦ୍ର ପଣ୍ଡା, ପୂର୍ବତନ ବ୍ଲକ ଅଧ୍ୟକ୍ଷ ସୁରଥ ପାହାନ, ପୋଇରଶି ସରପଞ୍ଚ ରବୀନ୍ଦ୍ର ନାଥ ବେହେରା, ରମ୍ଭା ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟନିର୍ବାହୀ ଅଧିକାରୀ ଆଶାଲତା ରଛମାଲା, ଅନ୍ୟତମ ଅତିଥି ଭାବେ ରମ୍ଭା ପୂର୍ତ୍ତ ବିଭାଗ ସହକାରୀ ନିର୍ବାହୀ ଯନ୍ତ୍ରୀ ପ୍ରଦୀପ୍ତ କୁମାର ଶତପଥୀ, ସମିତି ସଭ୍ୟ ହଜାରିରାମ ବେହେରା, ପୂର୍ବତନ ପ୍ରଧାନଶିକ୍ଷକ ବିଜୟ କୁମାର ବିଶ୍ୱାଳ ପ୍ରମୁଖ ଯୋଗ ଦେଇଥିଲେ। ରମ୍ଭା ଚା ଖଟି ସଂଘ ସଭାପତି ଚନ୍ଦ୍ରଶେଖର ନାୟକ ସଭାପତିତ୍ୱ କରିଥିଲେ। ଅନୁଷ୍ଠାନର ସମ୍ପାଦକ ଲକ୍ଷ୍ମୀ ନାରାୟଣ ନାୟକ ଅତିଥି ପରିଚୟ ପ୍ରଦାନ କରିଥିଲେ। ସ୍ଥାନୀୟ ଯୁବ ସ୍ଵେଛାସେବୀ ସହଦେବ ଗୌଡ଼ କାର୍ଯ୍ୟକ୍ରମର ସଂଯୋଜନା କରିଥିଲେ। ସହରରେ ବିଭିନ୍ନ ଅଞ୍ଚଳରୁ ଆସିଥିବା ଲୋକଙ୍କୁ ପଣା ବଣ୍ଟନ କରାଯାଥିଲା। ସହଯୋଗ  ଯୋଗଗୁରୁ ରବୀନ୍ଦ୍ର ବେହେରା, ଶିକ୍ଷକ ଶେଷଦେବ ବେହେରା, କୃଷ୍ଣଚନ୍ଦ୍ର ବେହେରା, ସେବା ସମବାୟ ସମିତି ସମ୍ପାଦକ ସୁଦାମ ଗୌଡ଼, ରାମଚଂଦ୍ର ନାହାକ, ଜୟଦେବ ଦାସ, ଆଇନଜୀବୀ ଶୁଭେନ୍ଦୁ ନାୟକ ପ୍ରମୁଖ କାର୍ଯ୍ୟକ୍ରମର ପରିଚାଳନା କରିଥିଲେ।

Comments are closed.