ନିଜାମୁଦ୍ଦିନ: ମରକଜରେ ଥିବା ୨୪ ଜଣ କରୋନା ପଜିଟିଭ, ଆସିଥିଲେ ୧୫ ଦେଶର ନାଗରିକ

ନୂଆଦିଲ୍ଲୀ: ଦିଲ୍ଲୀର ନିଜାମୁଦ୍ଦିନସ୍ଥିତ ତବ୍‌ଲିଗୀ ଜମାତର ମରକଜରେ ରହୁଥିବା ଲୋକଙ୍କ ମଧ୍ୟରୁ ୨୪ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ୩୩୪ ଜଣ ଏବେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଏମାନଙ୍କଠାରେ କରୋନା ଲକ୍ଷଣ ଦେଖିବାକୁ ମିଳିଛି। ମରକଜରେ ୧୫୦୦ରୁ ୧୭୦୦ ଲୋକ ଏକାଠି ହୋଇଥିଲେ। ବର୍ତ୍ତମାନ ସୁଦ୍ଧା ୧୦୩୩ ଜଣଙ୍କୁ ବାହାର କରାଯାଇଛି। ଏଠାକୁ ପ୍ରାୟ ୧୫ ଦେଶରୁ ନାଗରିକ ଆସିଥିଲେ ବୋଲି ସୂଚନା ମିଳିଛି।

ଦିଲ୍ଲୀ ସ୍ବାସ୍ଥ୍ୟ ମନ୍ତ୍ରୀ ସତ୍ୟେନ୍ଦ୍ର ଜୈନ କହିଛନ୍ତି, ୩୩୪ ଜଣଙ୍କୁ ହସ୍ପିଟାଲ ପଠାଯାଇଛି। ଅନ୍ୟ ୭୦୦ ଜଣଙ୍କୁ କ୍ବାରେଣ୍ଟାଇନରେ ରଖାଯାଇଛି। ମରକଜ ସେଣ୍ଟରରେ ଡାକ୍ତରୀ ଟିମ୍‌ ରହିଛନ୍ତି। ଆଖପାଖ ଅଞ୍ଚଳକୁ ସାନିଟାଇଜ କରାଯାଉଛି। ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ, ନିଜାମୁଦ୍ଦିନସ୍ଥିତ ଜମାତର ମରକଜକୁ ୧୫ ଦେଶରୁ ନାଗରିକ ଆସିଥିଲେ। ଏଗୁଡ଼ିକ ମଧ୍ୟରେ ଇଣ୍ଡେନେସିଆ, ମାଲେସିଆ, ଶ୍ରୀଲଙ୍କା ସମେତ ଅନେକ ଦେଶର ନାଗରିକ ଥିଲେ। ସବୁଠୁ ଅଧିକ ନାଗରିକ ଇଣ୍ଡୋନେସିଆରୁ ଆସିଥିଲେ। ଇଣ୍ଡୋନେସିଆରୁ ପ୍ରାୟ ୮୦୦ ନାଗରିକ ଆସି ମରକଜରେ ଥିଲେ ବୋଲି ସୂଚନା ମିଳିଛି।

Comments
Loading...