ଟ୍ରମ୍ପ୍ଙ୍କ ପ୍ରଥମ ଭାରତ ଗସ୍ତ : ୨୨ କିଲୋମିଟର ଦୀର୍ଘ ରୋଡ୍ ଶୋ’ରେ ସ୍ବାଗତ କରିବେ ଏକ ଲକ୍ଷ ଲୋକ
ଅହମ୍ମଦାବାଦ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ତାଙ୍କର ପ୍ରଥମ ଭାରତ ଗସ୍ତରେ ଆସି ଏକ ୨୨ କିଲୋମିଟର ଦୀର୍ଘ ରୋଡ୍ ଶୋ’ରେ ଭାଗ
ନେବେ। ଚଳିତ ମାସ ୨୪ ତାରିଖରେ ସେ ଗୁଜରାଟର ଅହମ୍ମଦାବାଦରେ ପହଞ୍ଚିବେ। ଏହି ଦୁଇ ଦିନିଆ ଗସ୍ତ ଅବସରରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଅହମ୍ମଦାବାଦରେ ଏକ ୨୨ କିଲୋମିଟର ଦୀର୍ଘ ରୋଡ୍ ଶୋ’ରେ ଭାଗ ନେବେ।
ଅହମ୍ମଦାବାଦ ବିମାନ ବନ୍ଦରରୁ ଆରମ୍ଭ ହୋଇ ମୋଟେରା ସ୍ଥିତ ସର୍ଦ୍ଦାର ପଟେଲ ଷ୍ଟାଡିୟମ୍ ପର୍ଯ୍ୟନ୍ତ ହେବାକୁଥିବା ଏହି ରୋଡ୍ ଶୋ’ରେ ପ୍ରାୟ
ଏକଲକ୍ଷ ଲୋକ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ତାଙ୍କ ଭାରତ ଗସ୍ତର ପ୍ରଥମ ଦିନରେ ଶୁଭେଚ୍ଛା ଜଣାଇବେ। ଦୁଇନେତାଙ୍କ ରୋଡ୍ ସୋ
ସମୟରେ କଳାକାରମାନେ ଦେଶର ସାଂସ୍କୃତିକ ବିବିଧତା ଉପରେ ଆଧାରିତ ନୃତ୍ୟ ଓ ସଂଗୀତ ପରିବେଷଣ କରିବେ। ଏଥିପାଇଁ ୨୮ଟି ଷ୍ଟେଜ ନିର୍ମାଣ କରାଯାଇଛି। ଏହି ୨୨ କିଲୋମିଟର ଦୀର୍ଘ ରାସ୍ତାର ଉଭୟ ପାର୍ଶ୍ବରେ ଜାତିର ପିତା ମହାତ୍ମା ଗାନ୍ଧୀଙ୍କ ଜୀବନୀ ଆଧାରିତ କେତେକ ଷ୍ଟେଜ୍ ମଧ୍ୟ ନିର୍ମାଣ କରାଯାଇଛି।
Comments are closed.