ନୂଆଦିଲ୍ଲୀ: ୨୦୨୨ ଆଣିଛି କ୍ରୀଡ଼ା ପ୍ରେମୀଙ୍କ ପାଇଁ ଖୁସି ଖବର । କ୍ରୀଡ଼ା କ୍ଷେତ୍ରରେ ୨୦୨୨ ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଚଳିତ ବର୍ଷ ଭାରତର ତିନୋଟି ବଡ଼ ବିଶ୍ୱ କ୍ରୀଡ଼ାରେ ଅଂଶଗ୍ରହଣ କରିବାର ସୁଯୋଗ ରହିଛି । ଫେବୃଆରୀ-ମାର୍ଚ୍ଚରେ ଚାଇନାର ବେଜିଂରେ ଶୀତକାଳୀନ ଅଲିମ୍ପିକ୍ସ ଏବଂ ପାରାଲିମ୍ପିକ୍ସ ଅନୁଷ୍ଠିତ ହେବ । ଏହା ପରେ ୨୮ ଜୁଲାଇରୁ ୮ ଅଗଷ୍ଟ ପର୍ୟ୍ୟନ୍ତ ଇଂଲଣ୍ଡର ବର୍ମିଂହାମ ଠାରେ କମନୱେଲଥ ଗେମ୍ସ ଅନୁଷ୍ଠିତ ହେବ । ସବୁଠାରୁ ବଡ ଇଭେଣ୍ଟ ଏସିଆ ସ୍ତରରେ ସେପ୍ଟେମ୍ବର ୧୦ ରୁ ୨୫ ପର୍ୟ୍ୟନ୍ତ ଅନୁଷ୍ଠିତ ହେବ ।
ଚଳିତ ବର୍ଷ କ୍ରିକେଟ୍ ପ୍ରେମିଙ୍କ ପାଇଁ ମଧ୍ୟ ଖୁସି ଖବର ରହିଛି । ଭାରତୀୟ କ୍ରିକେଟ୍ ଦଳ ପାଇଁ ମଧ୍ୟ ଅନେକ ସୁଯୋଗ ଆଣିଛି ୨୦୨୨ । ମାର୍ଚ୍ଚରେ ନ୍ୟୁଜିଲ୍ୟାଣ୍ଡ ଏକ ବଡ଼ ଟୁର୍ଣ୍ଣାମେଣ୍ଟ ଆୟୋଜନ କରିବା । ମାର୍ଚ୍ଚ ୪ ରୁ ଏପ୍ରିଲ ୩ ପର୍ୟ୍ୟନ୍ତ ସେଠାରେ ମହିଳା ବିଶ୍ୱକପ ଅନୁଷ୍ଠିତ ହେବ । ଏଥିରେ ଭାରତୀୟ ମହିଳା କ୍ରିକେଟ୍ ଦଳ ଅଂଶଗ୍ରହଣ କରିବେ । ଦ୍ୱିତୀୟ ବର୍ଷ ପାଇଁ ଟି -୨୦ କ୍ରିକେଟର ସବୁଠାରୁ ବଡ ଟୁର୍ଣ୍ଣାମେଣ୍ଟ ଆୟୋଜିତ ହେବ । ଚଳିତ ବର୍ଷ ଅଷ୍ଟ୍ରେଲିଆ ଏହାକୁ ଆୟୋଜନ କରିବ । ଅକ୍ଟୋବର ୧୬ ରୁ ନଭେମ୍ବର ୧୩ ପର୍ୟ୍ୟନ୍ତ ଟି -୨୦ ବିଶ୍ୱକପ ଅନୁଷ୍ଠିତ ହେବ ।
ସେପଟେ, ୪ବର୍ଷ ପରେ ଚଳିତ ବର୍ଷ କତାରରେ ହେବ ସବୁଠୁ ବଡ ଫୁଟବଲ ଟୁର୍ଣ୍ଣାମେଣ୍ଟ । ନଭେମ୍ବର ୨୧ ରୁ ଡିସେମ୍ବର ୧୮ ଯାଏ ଅନୁଷ୍ଠିତ ହେବ ଏଥର ଫିଫା ବିଶ୍ୱକପ । ପ୍ରଥମ ଥର ପାଇଁ ଏହି ଟୁର୍ଣ୍ଣାମେଣ୍ଟ ଏହି ମାସରେ ଅନୁଷ୍ଠିତ ହେବାକୁ ଯାଉଛି ।
Comments are closed.