ନବରଙ୍ଗପୁରରେ ଦୁଇ ସାମ୍ବାଦିକ କୋଭିଡ-୧୯ ପଜିଟିଭ୍‍ ଚିହ୍ନଟ

ନବରଙ୍ଗପୁର : ଦିନକୁ ଦିନ ମହାମାରୀ କରୋନା କାୟାବିସ୍ତାର କରିବାରେ ଲାଗିଛି। ପ୍ରଥମଥର ପାଇଁ ନବରଙ୍ଗପୁର ଜିଲାର ଦୁଇଜଣ ସାମ୍ବାଦିକ କରୋନାରେ  ଆକ୍ରାନ୍ତ ଚିହ୍ନଟ ହୋଇଛନ୍ତି। ଜଣେ ନିଜ ଘରେ ଆଇସଲେସନରେ ରହି ଚିକିତ୍ସିତ ହେଉଥିବାବେଳେ ଅନ୍ୟଜଣେ କୋଭିଡ ଚିକିତ୍ସାକେନ୍ଦ୍ରରେ ଭର୍ତ୍ତି ହୋଇଛନ୍ତି। ତେବେ ଏହାକୁ ନେଇ ଗଣମାଧ୍ୟମ ପ୍ରତିନିଧି ମଧ୍ୟରେ ଭୟ ଦେଖାଦେଇଛି। ଜିଲାରେ ଲୋକ ପ୍ରତିନିଧି, ସରକାରୀ ଅଧିକାରୀ, କର୍ମଚାରୀ ,ପୁଲିସ କର୍ମଚାରୀ , ଡାକ୍ତର, ନର୍ସ ଆକ୍ରାନ୍ତ ହୋଇ ସାରିଛନ୍ତି। ପ୍ରତିଦିନ କରୋନା ଆକ୍ରାନ୍ତ ସଂଖ୍ୟାବୃଦ୍ଧି ପାଉଥିବାବେଳେ ଏହା ଚିନ୍ତାର ବିଷୟ ହୋଇଛି। ତେବେ ଆକ୍ରାନ୍ତ ଦୁଇ ସାମ୍ବାଦିକଙ୍କର ସ୍ୱାସ୍ଥ୍ୟଅବସ୍ଥା ସ୍ଥିର ରହିଛି। ନିକଟରେ ନବରଙ୍ଗପୁର ସହରର ଦୁଇଜଣ ମହିଳାଙ୍କର କରୋନାରେ ମୃତ୍ୟୁବରଣ କରିଥିବାବେଳେ ଏହା ସହରବାସୀଙ୍କୁ ମର୍ମାହତ କରିଛି। ତେବେ ସହରରେ ଦିନକୁ ଦିନ ଆକ୍ରାନ୍ତ ସଂଖ୍ୟା ବୃଦ୍ଧି ହେଉଥିବାବେଳେ ଜନସଚେତନତା ସହ କୋଭିଡ ଗାଇଡଲାଇନ ପାଳନ କରିବା ଅନିବାର୍ଯ୍ୟ ହୋଇପଡିଛି।

Comments
Loading...