ଭୁବନେଶ୍ଵର : କରୋନା ପାଇଁ ଲକ୍ ଡାଉନ ଜାରି ରହିଛି । କରୋନା ମୁକାବିଲା ପାଇଁ ସତର୍କତାମୂଳକ ଭାବେ ରାଜ୍ୟ ସରକାର ପ୍ରଥମେ ସମସ୍ତ ଶିକ୍ଷାନୁଷ୍ଠାନକୁ ବନ୍ଦ କରିଦେଇଥିଲେ । ଶିକ୍ଷାନୁଷ୍ଠାନ ବନ୍ଦ ରହିବ ସହ ସେହି ସମୟରେ ହେବାକୁ ଥିବା ପରୀକ୍ଷାକୁ ମଧ୍ୟ ସ୍ଥଗିତ କରାଯାଇଥିଲା । ତେବେ ଏହାରି ମଧ୍ୟରେ ରାଜ୍ୟ ସ୍କୁଲ ଓ ଗଶଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇ କହିଛନ୍ତି ଯେ ଲକ୍ ଡାଉନ ପାଇଁ ସ୍ଥଗିତ ଥିବା ଯୁକ୍ତ ଦୁଇ ପରୀକ୍ଷା ହେବ । ମନ୍ତ୍ରୀଙ୍କ ସୂଚନା ଅନୁସାରେ ଲକ୍ ଡାଉନ ଉଠିବାପରେ ସରକାରଙ୍କ ନିଷ୍ପତ୍ତିକୁ ଅପେକ୍ଷା କରାଯାଇଛି । ପରୀକ୍ଷାପାଇଁ ଗଣଶିକ୍ଷା ବିଭାଗ ସମ୍ପୁର୍ଣ୍ଣ ପ୍ରସ୍ତୁତ ଅଛି କେବଳ ସରକାରଙ୍କ ନିଷ୍ପତ୍ତିକୁ ଅପେକ୍ଷା କରାଯାଇଛି । ତେବେ ରାଜ୍ୟ ସରକାରଙ୍କ ପକ୍ଷରୁ କେତେକ କଲେଜ ଯେଉଁଗୁଡିକ ପରୀକ୍ଷା ସେଣ୍ଟର ଥିଲା ତାହାକୁ କ୍ବାରେଣ୍ଟାଇନ ସେଣ୍ଟର କରାଯାଇଛି । ସେସବୁକୁ ଭିତ୍ତିକରି ପରୀକ୍ଷା କେନ୍ଦ୍ର ଚୟନ କରାଯିବ ବୋଲି ମନ୍ତ୍ରୀ ସମୀର ଦାସ ସୂଚନା ଦେଇଛନ୍ତି ।
Comments are closed.