ବାଚସ୍ପତିମାନଙ୍କ ଦୁଇ ଦିନିଆ ସମ୍ମିଳନୀ, ଉନ୍ନତ ଗଣତନ୍ତ୍ର ପାଇଁ ମୌଳିକ ଭିତ୍ତିଭୂମି ଉପରେ ହେବ ଆଲୋଚନା

ସଂସଦ ଓ ବିଧାନସଭା ବାଚସ୍ପତିମାନଙ୍କ ଦୁଇ ଦିନିଆ ସମ୍ମିଳନୀ ଆସନ୍ତାକାଲି ଗୁଜୁରାଟର କେବାଡ଼ିଆ ସ୍ଥିତ ଷ୍ଟାଚ୍ୟୁ ଅଫ୍‍ ୟୁନିଟି ଠାରେ ଆରମ୍ଭ ହେବ। ଏ ସମ୍ପର୍କରେ ଲୋକସଭା ବାଚସ୍ପତି ଓମ୍‍ ବିର୍ଲା କହିଛନ୍ତି, ଚଳିତ ବର୍ଷ ସମ୍ମିଳନୀର ଶୀର୍ଷକ ‘ବ୍ୟବସ୍ଥାପିକା,
କାର୍ଯ୍ୟପାଳିକା ଓ ନ୍ୟାୟ ପାଳିକା ମଧ୍ୟରେ ସମନ୍ୱୟ – ଏକ ଉନ୍ନତ ଗଣତନ୍ତ୍ର ପାଇଁ ମୌଳିକ ଭିତ୍ତିଭୂମି’ ରହିଛି। ଶ୍ରୀ ବିର୍ଲା କହିଛନ୍ତି, ରାଷ୍ଟ୍ରପତି ରାମନାଥ କୋବିନ୍ଦ ସମ୍ମିଳନୀକୁ ଉଦ୍‍ଘାଟନ କରିବେ। ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଭେଙ୍କୟା ନାଇଡୁ ଏହି ଅବସରରେ ସେଠାରେ ଉପସ୍ଥିତ ରହିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୬ ତାରିଖ ଦିନ ସମ୍ବିଧାନ ଦିବସ ଅବସରରେ ସମ୍ମିଳନୀର ଉଦ୍‍ଯାପନୀ ଅଧିବେଶନରେ ଉଦବୋଧନ ଦେବେ।

ସେ କହିଛନ୍ତି, ସମ୍ବିଧାନର ପବିତ୍ରତାକୁ ବଜାୟ ରଖିବା ହେଉଛି ଆମ ସମସ୍ତଙ୍କର ଦାୟିତ୍ୱ ଓ ଶାସନ ବ୍ୟବସ୍ଥାର ତିନୋଟିଯାକ ଅଙ୍ଗ ମଧ୍ୟରେ ସମନ୍ୱୟ ଗଣତନ୍ତ୍ର ପାଇଁ ଅତ୍ୟନ୍ତ ଜରୁରୀ। ଶ୍ରୀ ବିର୍ଲା କହିଛନ୍ତି, ଏହି ସମୟରେ ଅନେକ ଅଧିବେଶନ ବସିବ ଓ
ସଦସ୍ୟମାନେ ପାର୍ଲାମେଣ୍ଟ ଓ ରାଜ୍ୟ ବିଧାନସଭା କାର୍ଯ୍ୟଧାରାର ସୁପରିଚାଳନା ସଂକ୍ରାନ୍ତରେ ଆଲୋଚନା କରିବେ।

Comments
Loading...