ନୂଆଦିଲ୍ଲୀ: ପୂର୍ବ ଦିଲ୍ଲୀର ତ୍ରିଲୋକପୁରୀ ଅଞ୍ଚଳରେ ୧୯୮୪ରେ ହୋଇଥିବା ସାମ୍ପ୍ରଦାୟିକ ହିଂସାରେ ୮୮ଜଣ ଅଭିଯୁକ୍ତଙ୍କ ପକ୍ଷରୁ ଦିଲ୍ଲୀ ଉଚ୍ଚ ନ୍ୟାୟାଳୟରେ ରୁଜୁ ହୋଇଥିବା ମାମଲାର ଚୂଡ଼ାନ୍ତ ରାୟ ପ୍ରକାଶ ପାଇଛି। ଉଚ୍ଚ ନ୍ୟାୟାଳୟ ସମସ୍ତ ଅଭିଯୁକ୍ତଙ୍କ ଦଣ୍ଡାଦେଶକୁ କାଏମ ରଖିଛନ୍ତି। ଏହି ହିଂସାକାଣ୍ଡରେ ଅଦ୍ୟାବଧି ଫେରାର ଥିବା ଅଭିଯୁକ୍ତଙ୍କୁ ତୁରନ୍ତ ଆତ୍ମସମର୍ପଣ କରିବାକୁ କୋର୍ଟ ନିର୍ଦେଶ ଦେଇଛି। ୨୨ବର୍ଷ ପରେ ଉଚ୍ଚ ନ୍ୟୟାଳୟର ଏହି ମାମଲାରେ ପୁଲିସକୁ ୯୫ଟି ମୃତଦେହ ମିଳିଥିଲା। ତେବେ ତଦନ୍ତରେ କୌଣସି ଅଭିଯୁକ୍ତଙ୍କ ନାମରେ ହତ୍ୟା ଅଭିଯୋଗ ଲଗା ଯାଇ ନଥିଲା। ୧୯୯୬ରେ ନିମ୍ନ କୋର୍ଟ ସମସ୍ତ ଅଭିଯୁକ୍ତଙ୍କୁ ୫ବର୍ଷ କାରାଦଣ୍ଡରେ ଦଣ୍ଡିତ କରିବାକୁ ନିର୍ଦେଶ ଦେଇଥିଲା।
୧୯୮୪ଶିଖ ବିରୋଧୀ ସାମ୍ପ୍ରଦାୟିକ ହିଂସାକାଣ୍ଡରେ ୮୦ରୁ ଊଦ୍ଧ୍ୱର୍ ଅଭିଯୁକ୍ତଙ୍କ ଆବେଦନକୁ ଗ୍ରହଣ କରି ଦିଲ୍ଲୀ ଉଚ୍ଚ ନ୍ୟାୟାଳୟ ଶୁଣାଣି କରିବା ପରେ ରାୟ ସୁରକ୍ଷିତ ରଖିଥିଲେ। ଉଚ୍ଚ ନ୍ୟାୟାଳୟ ସମସ୍ତ ପକ୍ଷର ଅଭିଯୋଗ ଶୁଣିବା ପରେ ରାୟ ପ୍ରଦାନ କରିବା ଉଦ୍ଦେଶ୍ୟରେ ଚୂଡ଼ାନ୍ତ ରାୟକୁ ସୁରକ୍ଷିତ ରଖିଥିଲେ। ୧୯୮୪ରେ ସରକାରଙ୍କ ପକ୍ଷରୁ ଲଗାଯାଇ ଥିବା କର୍ଫ୍ୟୁକୁ ଅମାନ୍ୟ କରିବା ଅଭିଯୋଗରେ ଏହି ଅଭିଯୁକ୍ତଙ୍କ ନାମରେ ମାମଲା ରୁଜୁ କରାଯାଇ ଥିଲା। ଏହି ଘଟଣାରେ ୯୫ଜଣଙ୍କ ମୃତ୍ୟୁ ହୋଇଥିବାବେଳେ ୧୦୦ରୁ ଅଧିକ ଘର ପୋଡ଼ି ଦିଆଯାଇ ଥିଲା।
