ଝାରସୁଗୁଡ଼ା: ଝାରସୁଗୁଡ଼ା ଜିଲାର ବିଭିନ୍ନ ସ୍ଥାନକୁ ବେନିୟମ ଭାବରେ କୋରେକ୍ସ ସିରଫ ଯୋଗାଉଥିବା ଏକ ରାକେଟର ପୋଲିସ ପର୍ଦାଫାସ କରିଛି। ଝାରସୁଗୁଡ଼ା ପୋଲିସ ବିପୁଳ ମାତ୍ରାରେ ଏହି ନିଶାଦ୍ରବ୍ୟ ଜବତ କରିବା ସହିତ ଜଣକୁ ଗିରଫ କରିବାରେ ସକ୍ଷମ ହୋଇଛି। ମିଳିଥିବା ସୂଚାନା ଅନୁସାରେ ଝାରସୁଗୁଡ଼ା ବେହେରାପାଟ ଏସ୍ଏ୍ ୧୦ ନିକଟସ୍ତ ଏକ ଗ୍ୟାରେଜର କୋରେକ୍ସ (ୱିନସିରେକ୍ସ) ନାମକ ସିରଫ ରଖି ଜିଲ୍ଲାର ବିଭିନ୍ନ ପାନଦୋକାନ, ତେଜରାତି ଦୋକାନମାନଙ୍କୁ ସପ୍ଲାଇ କରାଯାଉଥିଲା। ପୋଲିସ ଚଢ଼ାଉକରି ଗ୍ୟାରେଜ ଭିତରୁ ୨୦ଟି କାଟୁନରେ ୧୯୭୦ଟି କୋରେକ୍ସ ବୋତଲ ପୋଲିସ ଜବତ କରିବାରେ ସକ୍ଷମ ହୋଇଛି। ଏହି ନିଶାଦ୍ରବ୍ୟର ମୁଲ୍ୟ ୧ ଲକ୍ଷ ୭୦ ହଜାର ହେବ। କୋରେକ୍ସ ବିକ୍ରି କରୁଥିବା ଅଭିଯୋଗରେ ପୋଲିସ ଏଜାଜ୍ ଅହମ୍ମଦ (୩୦)କୁ ଗିରଫ କରିଛି। ଏଜାଜ୍ର ଘର ଝାରଖଣ୍ଡର ସିଂହଭୁଙ୍ଗ ଜିଲା ମୁସାବନି ଥାନା ଅନ୍ତର୍ଗତ ବଦିଆ ଗ୍ରାମର ବୋଲି ଜଣାପଡ଼ିଛି। ଏହି ନିଶାକାରବାର ମୁଖ୍ୟ ତଥା ମାଷ୍ଟର ମାଇଣ୍ଡ ଝାରସୁଗୁଡ଼ା ମଙ୍ଗଳବଜାରର ଆଶିଫ ଖାନ ଫେରାର ହୋଇଯାଇଛି। ଏହି କଫସିରଫକୁ ବସ ଯୋଗେ ଝାଡ଼ଖଣ୍ଡରୁ ଆଣି ଜିଲାର ବିଭିନ୍ନ ସ୍ଥାନକୁ ଯୋଗାଯାଉଥିବା ଜଣାପଡ଼ିଛି।
Comments are closed.