ବିରଳ ଆଣ୍ଠୁ ସ୍ଥାନାନ୍ତରଣ ଅସ୍ତ୍ରୋପଚାର ପରେ ୧୮ ବର୍ଷ କିଶୋରଙ୍କୁ ମିଳିଲା ନୂଆ ଜୀବନ

ଭୁବନେଶ୍ୱର : କ୍ରୀଡା ଆଘାତ ଓ ପୁନର୍ବାସ କ୍ଷେତ୍ରରେ ପାରଦର୍ଶିତା ହାସଲ କରିଥିବା ଉତ୍କଳ ହସ୍ପିଟାଲର ଅର୍ଥୋପେଡିକ ଡାକ୍ତର ଓ ଅନ୍ୟମାନଙ୍କ ଏକ ଟିମ୍ ଏକ ବିରଳ ଅସ୍ତ୍ରୋପଚାର ମାଧ୍ୟମରେ ଜଣେ ୧୮ ବର୍ଷ ବୟସ୍କ କିଶୋରଙ୍କ ଜୀବନରେ ଖୁସି ଫେରାଇ ଆଣିଛନ୍ତି, ଯିଏ ଆଣ୍ଠୁ ହାଡ ସ୍ଥାନାନ୍ତର ଯୋଗୁ ଏକ ଚାପଗ୍ରସ୍ତ ଜୀବନ ବଂଚିଆସୁଥିଲେ। ପୁରୀର ଏହି କିଶୋରଙ୍କର ଶାରୀରିକ ଉଚ୍ଚତା କମ୍ ଥିଲା ଓ ସେ ଗତ ୫ ବର୍ଷ ହେବ ଆଣ୍ଠୁ ହାଡ ସ୍ଥାନଚ୍ୟୁତିରେ ପୀଡିତ ଥିଲେ। ଏହି ସ୍ୱାସ୍ଥ୍ୟଗତ ଅସୁସ୍ଥତା ତାଙ୍କ ଜୀବନମାନ ଏବଂ ଦୈନନ୍ଦିନ କାର୍ଯ୍ୟ ପାଇଁ ସାଧାରଣ ଗତିବିଧିକୁ ଗୁରୁତର ଭାବେ ପ୍ରଭାବିତ କରିଥିଲା। ଏ ସମ୍ପର୍କରେ ଉତ୍କଳ ହସ୍ପିଟାଲର ଅର୍ଥୋପେଡିକ ସର୍ଜନ ଡଃ ଦିବ୍ୟ ସିଂହ କହିଛନ୍ତି, ରୋଗୀ ଜଣଙ୍କ ଚାପଗ୍ରସ୍ତ ଅବସ୍ଥାରେ ଆମ ପାଖକୁ ଆସିଥିଲେ ଯେଉଁଠାରେ ତାଙ୍କ ଆଣ୍ଠୁର ହାଡ ନିଜ ସ୍ଥାନରୁ ବାହାରି ଯାଇଥିବା ବା ସ୍ଥାନଚ୍ୟୁତି ହୋଇଥିବା ଜଣାପଡିଥିଲା। ଏହି ରୋଗର ପରିଚାଳନା ଓ ଚିକିତ୍ସା ପାଇଁ ବିଶେଷଜ୍ଞତା ଓ ଅତ୍ୟାଧୁନିକ ପ୍ରଯୁକ୍ତିର ଆବଶ୍ୟକତା ରହିଥାଏ। ସର୍ବାଧୁନିକ ଚିକିତ୍ସା ସୁବିଧା ଓ ଡାକ୍ତରମାନଙ୍କ ଏକ ସମର୍ପିତ ଟିମ୍ ସହିତ ଆମେ ଏହି ବିରଳ ଅସ୍ତ୍ରୋପଚାର ପରିଚାଳନା କରିବାକୁ ସକ୍ଷମ ହୋଇଥିଲୁ ଏବଂ ସଫଳତାର ସହିତ ରୋଗୀଙ୍କର ଚିକିତ୍ସା କରିବାକୁ ସକ୍ଷମ ହୋଇଥିଲୁ। ଅସ୍ତ୍ରୋପଚାର ଦିନକ ପରେ ରୋଗୀ ସପୋର୍ଟ ସହିତ ଚାଲିବାକୁ ସକ୍ଷମ ହୋଇଥିଲେ ଏବଂ ଅସ୍ତ୍ରୋପଚାର ପରେ ତାଙ୍କର ଆଣ୍ଠୁ ଭାଙ୍ଗିବାର କ୍ଷମତାରେ ଅନେକ ସୁଧାର ଆସିଥିଲା।

Comments
Loading...