୧୪୪ ଧାରା ଜାରି ସତ୍ତ୍ବେ ରାସ୍ତାରେ ବୁଲି ବୁଲି ଲୋକଙ୍କୁ ସଚେତନ କଲେ ବଲାଙ୍ଗିର ଉପଜିଲାପାଳ

ବଲାଙ୍ଗିର : କରୋନା ଆତଙ୍କ ନେଇ ବଲାଙ୍ଗିର ଜିଲାରେ ୧୪୪ ଧାରା ଜାରି ରହିଥିବା ବେଳେ ଟିଟିଲାଗଡ଼ ସହରରେ ମଙ୍ଗଳବାର ଉପଜିଲ୍ଲାପାଳ ସୁଧାଜର ନାୟକ, ଏସଡିପିଓ ସୁରେନ୍ଦ୍ର ନାରାୟଣ ଶତପଥୀ, ଭାରପ୍ରାପ୍ତ ମାଜିଷ୍ଟ୍ରେଟ କର୍ଣ୍ଣ ମଲ୍ଲିକ, ଥାନା ଆଇଆଇସି ପ୍ରଭାତ ରଞ୍ଜନ ମହାନ୍ତି ତଥା ବିଭିନ୍ନ ବିଭାଗର ପ୍ରମୁଖ ଅଧିକାରୀ ରାସ୍ତାରେ ବୁଲି ଲୋକମାନଙ୍କୁ ସଚେତନ କରିଥିଲେ। ଆଜି ଟିଟିଲାଗଡ଼ ଅଞ୍ଚଳର ଆମେରିକାରୁ ଜଣେ ଲୋକ ଏବଂ ଜର୍ମାନୀରୁ ଫେରିଥିବା ଏକ ଦମ୍ପତି ଟିଟିଲାଗଡ଼ ଉପଖଣ୍ଡ ମୁଖ୍ୟ ଡାକ୍ତରଖାନାରେ ପହଞ୍ଚି ଯାଞ୍ଚ କରିଛନ୍ତି। ଏହା ସହ ମୁଖ୍ୟ ସ୍ବାସ୍ଥ୍ୟ ଅଧିକାରୀ ଡାକ୍ତର ସୁଜାତାରାଣୀ ମିଶ୍ର ଏବଂ ଉପଜିଲ୍ଲାପାଳଙ୍କ ଉପସ୍ଥିତିରେ ସେମାନେ ନିଜର ବିବରଣୀ ପ୍ରଦାନ କରିଥିଲେ।

Comments
Loading...