ଭୁବନେଶ୍ଵର : ରାଜଧାନୀ ଭୁବନେଶ୍ଵରରେ ପୁଣି ଥରେ ମାତିଲେ ଧଳା ଜହର ବ୍ୟବସାୟୀ । ଲକ୍ ଡାଉନ ସମୟରେ ମଧ୍ୟ ଥମୁନି ଧଳା ଜହର ବେପାର । ଏପରି ସ୍ଥିତିରେ ଆଜି ରାଜଧାନୀ ଭୁବନେଶ୍ଵରରୁ ଏକ କୋଟି ଟଙ୍କାର ଧଳା ଜହର ଜବଦ କରିଛି କ୍ରାଇମବ୍ରାଞ୍ଚ ଏସଟିଏଫ । ଖଣ୍ଡଗିରି ଅଞ୍ଚଳରୁ ଏହି କୋଟିଏ ଟଙ୍କାର ବ୍ରାଉନସୁଗାର କ୍ରାଇମବ୍ରାଞ୍ଚ ଏସ୍ଟିଏଫ୍ ଜବତ କରିଛି । ଚୋରା ଚାଲାଣ ଅଭିଯୋଗରେ ଦୁଇ ଜଣ ଗିରଫ ହୋଇଥିବା ବେଳେ ଜଣେ ଫେରାର ହୋଇଯାଇଥିବା ଜଣାପଡିଛି ।
ସୂଚନାଅନୁସାରେ ବାଲେଶ୍ବରରୁ ୩ଜଣ ଜଣ ବେପାରୀ ବ୍ରାଉନସୁଗାର ନେଇ ରାଜଧାନୀ ଆସୁଥିବା କ୍ରାଇମବ୍ରାଞ୍ଚ ଏସଟିଏଫ ଖବର ପାଇଥିଲା । ପୂର୍ବରୁ କ୍ରାଇମବ୍ରାଞ୍ଚ ଏସଟିଏଫ୍ ଖବର ପାଇ ଖଣ୍ଡଗିରି ଅଞ୍ଚଳରେ ଜଗି ରହିଥିଲେ । ତିନି ଯୁବକ ପହଞ୍ଚିବା ପରେ ସେମାନଙ୍କୁ ଧରିଥିଲା ଏସଟିଏଫ ଟିମ୍ । ୩ ଯୁବକଙ୍କ ମଧ୍ୟରୁ ୨ ଜଣ ଯୁବକ ଧରାପଡିଥିବା ବେଳେ ଜଣେ ଯୁବକ ସେଠାରୁ ଖସି ପଳାଇବାରେ ସକ୍ଷମ ହୋଇଥିଲେ ।
ଜବତ ବ୍ରାଉନସୁଗାର ପ୍ରାୟ ୧ କେଜି ଓଜନର ଥିବା ବେଳେ ଏହାର ମୂଲ୍ୟ ପ୍ରାୟ ଏକ କୋଟି ହେବ ବୋଲି ଜଣାପଡିଛି ।ଗିରଫ ଦୁଇ ଜଣଙ୍କ ନିକଟରୁ ବାଇକ୍ ଜବତ କରିଛି ଏସଟିଏଫ । ଗିରଫ ଦୁଇ ଅଭିଯୁକ୍ତ ଖୋର୍ଦ୍ଧା ଜିଲ୍ଲା ଜଙ୍କିଆ ଅଞ୍ଚଳର ବୋଲି ସୂଚନା ମିଳିଛି । ତେବେ ଜବତ ବ୍ରାଉନସୁଗାର କେଉଁଠାରୁ ଆସିଥିଲା ଏବଂ ଏମାନେ କାହା ପାଖକୁ ନେଇ ଯାଉଥିଲେ ତାହା ବର୍ତ୍ତମାନ ସୁଦ୍ଧା ଜଣାପଡିନାହିଁ ।
Comments are closed.