ଟିଟିଲାଗଡ଼ : ଟିଟିଲାଗଡ଼ ଥାନା କୁଟୁରାକେନ ନିକଟସ୍ଥ ଭାଲୁଡୁଙ୍ଗୁରି ସଂରକ୍ଷିତ ଜଙ୍ଗଲରେ ଥିବା ଏକ ବେଆଇନ ରତ୍ନପଥର ଖଣିରେ ପ୍ରାୟ ୧୦୦ ଫୁଟ ଗାତ ମଧ୍ୟରେ ଗତକାଲି କାର୍ଯ୍ୟରତ ଥିବା ସମୟରେ ଦୁଇ ଜଣ ଶ୍ରମିକଙ୍କ ମୃତ୍ୟୁକୁ ନେଇ ଆଜି ଉତ୍ତେଜନା ପ୍ରକାଶ ପାଇଛି । ମୃତକ ନବୀନ ଜାନି ଏବଂ ଉଜ୍ଜ୍ୱଳ ଭୋଇଙ୍କ ପରିବାର ଲୋକେ ଏବଂ ଉତ୍କଳ କନ୍ଧ ଯୁବ ସଂଗଠନ ପକ୍ଷରୁ ଥାନା ସମ୍ମୁଖରେ ରାସ୍ତାରେ ମୃତଦେହ ରଖି ସହାୟତା ଦାବି କରାଯାଇଛି । ଘଟଣା ସ୍ଥଳରେ ଟିଟିଲାଗଡ଼ ଅତିରିକ୍ତ ଜିଲା ଆରକ୍ଷୀ ଅଧିକ୍ଷକ ସୁରେନ୍ଦ୍ରନାଥ ଶତପଥୀ, ତହସିଲଦାର ପ୍ରେମଲାଲ ହିଆଲ, ଥାନା ଆଇଆଇସି ରଞ୍ଜନ ବରିହା ପ୍ରମୁଖ ଉପସ୍ଥିତ ଅଛନ୍ତି । ଗତକାଲି ସନ୍ଧ୍ୟାରେ ଉପରୋକ୍ତ ଅଧିକାରୀ ଘଟଣା ସ୍ଥଳକୁ ମୃତଦେହ ଜବତ ପାଇଁ ଯାଇଥିବା ବେଳେ ଗ୍ରାମବାସୀ ସାରା ରାତି ତାଙ୍କୁ ଅଟକ ରଖିଥିଲେ। ଆଜି ଟିଟିଲାଗଡ଼ ଡାକ୍ତରଖାନାରେ ଶବ ବ୍ୟବଚ୍ଛେଦ ପରେ ବର୍ତମାନ ଉତ୍ତେଜନା ତୀବ୍ର ହୋଇଛି । ପୁଲିସ ଘଟଣାର ତଦନ୍ତ କରୁଛି। ବେଆଇନ ଖଣି ମାଲିକ ଫେରାର ଥିବା ନେଇ ସୂଚନା ମିଳିଛି।
Comments are closed.