ଆଠଗଡ : ଆଠଗଡ ଥାନା ଅନ୍ତର୍ଗତ ପୁରୁଣା କଟକ-ସମ୍ବଲପୁର ରାସ୍ତାର ଇଚ୍ଛାପୁର ପଞ୍ଚାୟତର ପତଣ୍ଡା ପୋଖରୀ ନିକଟରେ ଗୁରୁବାର ମଧ୍ୟାହ୍ନରେ ଅନୁଗୁଳରୁ ଆସୁଥିବା ଏକ ସ୍କର୍ପିଓ ସହିତ ଜଗତସିଂହପୁରରୁ ଅନୁଗୁଳ ଅଭିମୁଖେ ଯାଉଥିବା ଏକ ବୋଲେରୋର ମୁହାଁମୁହିଁ ଧକ୍କା ହୋଇଛନ୍ତି। ସ୍କର୍ପିଓ ପଛପଟୁ ଆସୁଥିବା ଏକ ବାଇକ ପିଟି ହୋଇ ଦୁର୍ଘଟଣାଗ୍ରସ୍ଥ ହେବା ଫଳରେ ବାଇକ ଆରୋହିଙ୍କ ସମେତ ମୋଟ ୬ଜଣ ଆହତ ହୋଇଥିଲେ। ସେମାନଙ୍କୁ ସ୍ଥାନୀୟ ଲୋକଙ୍କ ସହାୟତାରେ ୧୦୮ ଆମ୍ବୁଲାନ୍ସ ଯୋଗେ ଆଠଗଡ ଡାକ୍ତରଖାନାକୁ ଚିକିତ୍ସା ପାଇଁ ନିଆଯାଇଥିଲା। ବୋଲେରୋ ମଧ୍ୟରେ ଥିବା ୫ଜଣ ମହିଳାଙ୍କ ମଧ୍ୟରୁ ଅନୁଗୁଳ ଜିଲ୍ଲା କୁରୁଡୁଲୁ ଗ୍ରାମର ରୁବି ମହାପାତ୍ର(୨୯), କନକ ମହାପାତ୍ର(୪୭), ଡଲି ମହାପାତ୍ର (୩୫), ମନ୍ଦାକିନୀ ସାହୁ(୨୪) ଏବଂ ବାଇକ ଆରୋହୀ ଢେଙ୍କାନାଳ ଜିଲ୍ଲାର ମହୁଲପଡା ଗ୍ରାମର ଦୀପୁ ବେହେରା ପ୍ରମୁଖ ଆହତ ହୋଇ ଚିକିତ୍ସା ପାଇଁ ଆଠଗଡ ଡାକ୍ତରଖାନାରେ ଭର୍ତ୍ତି ହୋଇଥିଲେ। ତେବେ ଆହତ ମହିଳାଙ୍କ ମଧ୍ୟରୁ ୩ଜଣ ଓ ବାଇକ ଆହୋରୀଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ପ୍ରାଥମିକ ଚିକିତ୍ସା ପରେ କଟକ ବଡ ଡାକ୍ତରଖାନା ସ୍ଥାନାନ୍ତରିତ କରିଥିବା ଜଣାପଡିଛି। ଆଠଗଡ ପୁଲିସ ଦୁର୍ଘଟଣାଗସ୍ତ ୩ଟି ଗାଡିକୁ ଜବତ କରି ତଦନ୍ତ ଜାରି ରଖିଛନ୍ତି।
Comments are closed.