ହିନ୍ଦୁଧର୍ମରେ ଏକ ପରମ୍ପରା ରହିଛି ଯେ, ଯେକୌଣସି ଶୁଭ କାମ କରିବାକୁ ଯିବା ପୂର୍ବରୁ ମିଠା ଦହି ଖାଇବା ଉଚିତ। ଧାର୍ମିକ ମାନ୍ୟତା ଅନ୍ୁଯାୟୀ, ଏପରି କରିବା ଦ୍ୱାରା ଆପଣ କରିବାକୁ ଯାଉଥିବା କାର୍ଯ୍ୟରେ ସଫଳତା ମିଳିଥାଏ। ଏପରି କରିବାର ଅନେକ ବୈଜ୍ଞାନିକ କାରଣ ରହିଛି। ଆସନ୍ତୁ ଜାଣିବା ଶୁଭ କାମ ବେଳେ ମିଠା ଦହି ଖାଇବାର ପରମ୍ପରା ବିଷୟରେ ..
ଯେତେବେଳେ ଜଣେ ବ୍ୟକ୍ତି କୌଣସି ବିଶେଷ କାର୍ଯ୍ୟ କରିବା ପାଇଁ ବାହାରକୁ ଯାଏ ସେତେବେଳେ ତାଙ୍କୁ ଦିନ ସାରା କାମ କରିବା ପାଇଁ ଶକ୍ତି ଦରକାର ହୋଇଥାଏ।
ଯଦି ଘରୁ ବାହାରିବା ବେଳେ ଗୋଟିଏ ଛୋଟ ପାତ୍ର ଦହି ଖାଇ ଯିବା ତେବେ ଏହା ଶରୀରକୁ ଶକ୍ତି ଯୋଗାଇଥାଏ।
ଦହିରେ ପ୍ରଚୁର ପରିମାଣରେ ପ୍ରୋଟିନ ଅଛି। ଏହା ସ୍ୱାସ୍ଥ୍ୟ ନିମନ୍ତେ ପୋଷକ ଖାଦ୍ୟ ମଧ୍ୟ ଅଟେ। ଦହିରେ ପ୍ରୋଟିନ ସହ କ୍ୟାଲସିୟମ, ରାଇବେଫ୍ଲୋବିନ, ଭିଟାମିନ ବି୬ ଓ ଭିଟାମିଦ ବି୧୨ ମଧ୍ୟ ରହିଛି। ଏହା ଶରୀରକୁ ଶକ୍ତି ଯୋଗାଇବାରେ ସହାୟକ ହୋଇଥାଏ।
ଦହିରେ ଚିନି ମିଶାଇ ମିଠା ଦହି ପ୍ରସ୍ତୁତ କରାଯାଇଥାଏ। ଚିନି ଖାଇବା ଦ୍ୱାରା ଶରୀରକୁ ଗ୍ଲୁକୋଜ ମିଳିଥାଏ। ଏହା ଶରୀର ପାଇଁ ଆବଶ୍ୟକ ଅଟେ।
ଖରାଦିନରେ ଘରୁ ବାହାରି ଯିବା ବେଳେ ଅଳ୍ପ ଟିକେ ଚିନି ଖାଇବା ଦ୍ୱାରା ଖାଦ୍ୟ ହଜମ ହେବାରେ ସମସ୍ୟା ହୋଇ ନଥାଏ।
ଦହି ଓ ଚିନି ଏକା ସହ ଖାଇବା ଦ୍ୱାରା ଶରୀରକୁ ଅନେକ ଲାଭ ମିଳିଥାଏ। ଥକ୍କାପଣ ମଧ୍ୟ ଦୂର ହୋଇଥାଏ।
ଦହି ଖାଇବା ଦ୍ୱାରା ହାଡ ଶକ୍ତ ହୋଇଥାଏ। ପେଟଜନିତ ସମସ୍ୟା ମଧ୍ୟ ଦୂର ହୋଇଥାଏ।
ଦହି ସହ ଚିନି ମିଶାଇ ଖାଇବା ଦ୍ୱାରା ଏହା ଶରୀରକୁ ପର୍ଯ୍ୟାପ୍ତ ପରିମାଣର ପୋଷକ ଯୋଗାଇଥାଏ।