ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାର ହଟାଇବା ପାଇଁ ତୃଣମୂଳ କଂଗ୍ରେସ ଦେଶର ୧୪ଟି ରାଜ୍ୟରେ ଆସନ୍ତା ନିର୍ବାଚନରେ ପ୍ରାର୍ଥୀ ଦେବ। ଦେଶରେ କିଏ ପ୍ରଧାନମନ୍ତ୍ରୀ ହେବ ବଡ କଥା ନୁହେଁ, ସମ୍ବିଧାନ ସୁରକ୍ଷା ପାଇଁ ତୃଣମୂଳ କଂଗ୍ରେସ ନେତ୍ରୀ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ସୁଶ୍ରୀ ମମତା ବାନାର୍ଜୀ ସମଭାବାପନ୍ନ ଦଳକୁ ଏକାଠି କରି କେନ୍ଦ୍ରରୁ ବିଜେପି ସରକାର ହଟାଇବାକୁ ଅଭିଯାନ ଆରମ୍ଭ କରିଛନ୍ତି ବୋଲି ଦଳର ଜାତୀୟ ମୁଖପାତ୍ର ତଥା ସଂସାଦ ଡେରିକ ଓବ୍ରେନ କହିଛନ୍ତି। ଖୁବ୍ଶୀଘ୍ର ମମତା ବାନର୍ଜୀ ଓଡ଼ିଶା ଗସ୍ତରେ ଆସିବେ। ଓଡ଼ିଶାରେ ଆସନ୍ତା ନିର୍ବାଚନରେ ତୃଣମୂଳ ନିର୍ବାଚନ ଲଢ଼ିବ। ରାଜ୍ୟର କେଉଁ କେଉଁ ଲୋକସଭା ଓ ବିଧାନସଭାରେ ପ୍ରାର୍ଥୀ ଦେବ ସେଥିପାଇଁ ଦଳ ବିଚାରବିମର୍ଶ ଚଳାଇଛି ବୋଲି ସେ ସୂଚନା ଦେଇଛନ୍ତି। ବର୍ତ୍ତମାନ ଦଳର ୩୪ ଲୋକସଭା ସାଂସାଦ ଓ ୧୩ ଜଣ ରାଜ୍ୟସଭା ସାଂସଦ ରହିଛନ୍ତି। ତ୍ରିପୁରା, ଆସାମରେ ଦଳର ଭଲ ସମର୍ଥନ ରହିଛି ବୋଲି ସେ କହିଛନ୍ତି। ଓଡ଼ିଶାରେ ଚାଲିଥିବା ବିଜେଡି ସରକାର ସମଦୂରତ୍ୱ ନାମରେ କେନ୍ଦ୍ରର ବିଜେପି ସରକାରଙ୍କୁ ସମର୍ଥନ ଦେଉଛି। ଦେଶର ସ୍ୱାର୍ଥ ପାଇଁ ନବୀନ ସରକାର ମଧ୍ୟ ବିଜେପିକୁ କେନ୍ଦ୍ରରୁ ହଟାଇବା ପାଇଁ ଖୋଲାଖୋଲି ଆହ୍ୱାନ ଦେବା ଆବଶ୍ୟକ ବୋଲି ତୃଣମୂଳ କଂଗ୍ରେସ ନେତା କହିଛନ୍ତି।
ଏହି ସଭାରେ ରାଜ୍ୟ ସାଧାରଣ ସମ୍ପାଦକ ଶୁଭ୍ରାଂସୁ ଶେଖର ପାଢୀଙ୍କ ଉପସ୍ଥିତିରେ ଓଡ଼ିଆ ଚଳଚ୍ଚିତ୍ର ଅଭିନେତା ଦେବୀଦତ୍ତ ବାରିକ ଓ ପ୍ରଯୋଜକ ନରେଶ ଘଡେଇ ଦଳରେ ଯୋଗ ଦେଇଥିଲେ।
