ଏହି ନବବର୍ଷରେ କରନ୍ତୁ ଏପରି ସଙ୍କଳ୍ପ : ଚଢିବେ ସଫଳତାର ଗୋଟିଏ ପରେ ଗୋଟିଏ ପାହଚ

0

ପାଖେଇ ଆସୁଛି ନବବର୍ଷ। ନୂଆବର୍ଷର ଆଗମନୀରେ ସମସ୍ତଙ୍କ ମନରେ ଆନନ୍ଦ ଓ ଉଲ୍ଲାସର ଢେଉ ଖେଳିଯାଇଥାଏ। ଅନେକ ଲୋକେ ଅନେକ ଉପାୟରେ ଆଡ଼ମ୍ବର ସହକାରେ ଏହାକୁ ପାଳନ କରିଥାଆନ୍ତି। ହେଲେ ଏକ ନୂତନ ବର୍ଷର ଆରମ୍ଭରେ ଜୀବନରେ କିଛି ନୂତନ ପରିବର୍ତ୍ତନ ବା କିଛି ନୂଆ ଚେଷ୍ଟା କରିବା ପ୍ରତି ଆମେ ଧ୍ୟାନ ଦେବାକୁ ଭୁଲି ଯାଇଥାଆନ୍ତି। ଏହି ଛୋଟ ଭୁଲ ହିଁ ଆମକୁ ଅସଫଳତାର ସ୍ୱାଦ ଚଖାଇଥାଏ। ଯଦ୍ୱାରା ଜୀବନ ଅଶାନ୍ତି ଓ ଦୁଃଖପୂର୍ଣ୍ଣ ହୋଇପଡ଼େ। ହେଲେ ଏଥର ନୂଆବର୍ଷରେ ଆଉ ସେ ଭୁଲର ପୁନରାବୃତ୍ତି କରନ୍ତୁ ନାହିଁ। ଏହି ନବବର୍ଷ ଅବସରରେ ଏଭଳି କିଛି ସଙ୍କଳ୍ପ ନିଅନ୍ତୁ ଯାହା ଜୀବନରେ ଅସଫଳତାର ଛାୟାକୁ ଦୂର କରିବ ଓ ଆପଣ ସଫଳତାର ଗୋଟିଏ ପରେ ଗୋଟିଏ ପାହଚ ଚଢିଚାଲିବେ। ଚାଲନ୍ତୁ ଜୀବନରେ ସଫଳତା ପାଇଁ ଏହି ନୂଆବର୍ଷରେ ଆମେ କ’ଣ ସଙ୍କଳ୍ପ ନେବା-

– ଲକ୍ଷ୍ୟ ନିଶ୍ଚିତ କରନ୍ତୁ ଓ ତାକୁ ଗୋଟିଏ କାଗଜରେ ଲେଖନ୍ତୁ ଓ ସେହି କାଗଜକୁ ପ୍ରତିଦିନ ପଢନ୍ତୁ।

– ସେହି ଯୋଜନା ପ୍ରସ୍ତୁତ କରନ୍ତୁ ଯାହା ଆପଣଙ୍କୁ ଲକ୍ଷ୍ୟପ୍ରାପ୍ତିରେ ସହାୟକ ହେବ।

– ଲକ୍ଷ୍ୟ ହାସଲ ପାଇଁ ଇଛାଶକ୍ତିକୁ ଅଧିକରୁ ଅଧିକ ବୃଦ୍ଧି କରିବା ପାଇଁ ଚେଷ୍ଟା କରନ୍ତୁ।

– ନିଜ ଲକ୍ଷ୍ୟ ଉପରେ ସର୍ବଦା ଧ୍ୟାନ କେନ୍ଦ୍ରୀଭୂତ କରନ୍ତୁ।

– ଆପଣଙ୍କ ଚେଷ୍ଟା ଅବିରାମ ଓ ପରିଶ୍ରମଭରା ହେବା ଆବଶ୍ୟକ। ପ୍ରତ୍ୟେକଦିନ ନିଜ ଲକ୍ଷ୍ୟ ହାସଲ ପାଇଁ ଚେଷ୍ଟାରତ ହେବା ଉଚିତ୍।

– ଲକ୍ଷ୍ୟ ହାସଲ ପାଇଁ ସକରାତ୍ମକ ସ୍ବଭାବ ବା ଚିନ୍ତାଧାରା ଆପଣାଇବାକୁ ଚେଷ୍ଟା କରନ୍ତୁ।

 

– ସର୍ବଦା ନିଜ ଲକ୍ଷ୍ୟପ୍ରାପ୍ତି ବିଷୟରେ ଭାବନ୍ତୁ ଓ ଅନ୍ତର ମନରେ ଏହାର ଏକ ଚିତ୍ର ତିଆରି କରନ୍ତୁ। ଦୈନିକ ଏପରି ଦୁଇଥର ଅତି କମରେ ୧୫ମିନିଟ୍ ପର୍ୟ୍ୟନ୍ତ କରନ୍ତୁ।

– ନିଜ ଉପରେ ଭରସା ରଖନ୍ତୁ।

– ନିଜେ ଚୟନ କରିଥିବା ରାସ୍ତାକୁ କେବେହେଲେ ଛାଡ଼ନ୍ତୁ ନାହିଁ।

– କେବେହେଲେ ହାରନ୍ତୁ ନାହିଁ ଓ ସର୍ବଦା ଚେଷ୍ଟାରତ ରୁହନ୍ତୁ। କାରଣ, ‘‘ଡରିବା ଲୋକେ କେବେହେଲେ ଜିତନ୍ତି ନାହିଁ ଓ ଜିତିବା ଲୋକେ କେବେହେଲେ ଡରନ୍ତି ନାହିଁ’’।

ଆଲେଖ୍ୟ – ପ୍ରଜ୍ଞାସିନୀ ମଲ୍ଲିକ

 

Leave A Reply