ଅହମ୍ମଦାବାଦ ଟେଷ୍ଟ ସହ ଭାରତ ୩-୧ରେ ସିରିଜ ବିଜୟୀ
ଋଷଭ ପନ୍ତ ମ୍ୟାନ ଅଫ୍ ଦ ମ୍ୟାଚ, ରବିଚନ୍ଦ୍ରନ୍ ଅଶ୍ବିନ ମ୍ୟାନ ଅଫ୍ ଦ ସିରିଜ
ଅହମ୍ମଦାବାଦ : ଚତୁର୍ଥ ଟେଷ୍ଟରେ ଭାରତ ଇନିଂସ୍ ବିଜୟୀ ହୋଇଛି। ଇଂଲଣ୍ଡକୁ ଏକ ଇନିଂସ୍ ଓ ୨୫ ରନ୍ରେ ପରାସ୍ତ କରି ଭାରତ ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ରେ ୩-୧ରେ ବିଜୟୀ। ଅକ୍ଷର ପଟେଲ୍ ଓ ରବିଚନ୍ଦ୍ରନ୍ ଅଶ୍ବିନଙ୍କ ଚମତ୍କାର ବୋଲିଂ ବଳରେ ଭାରତ ଏହି ଚିତାକର୍ଷକ ବିଜୟ ହାସଲ କରିଛି। ଅକ୍ଷର ଓ ଅଶ୍ବିନ୍ ଉଭୟ ୫ଟି ଲେଖାଏଁ ୱିକେଟ୍ ଅକ୍ତିଆର କରି ଭାରତ ପାଇଁ ବିଜୟ ଆଣି ଦେଇଛନ୍ତି।
ଭାରତ ଓ ଇଂଲଣ୍ଡ୍ ମଧ୍ୟରେ ଚାଲିଥିବା ଚତୁର୍ଥ ଟେଷ୍ଟ୍ ମ୍ୟାଚ୍ର ତୃତୀୟ ଦିବସରେ ଭାରତ ପ୍ରଥମ ଇନିଂସ୍ରେ ୩୬୫ ରନ୍ରେ ଅଲ୍ଆଉଟ୍ ହୋଇଥିଲା। ଆଜି ଅଳ୍ପକେ ଶତକରୁ ବଞ୍ଚିତ ହୋଇଛନ୍ତି ୱାଶିଂଟନ୍ ସୁନ୍ଦର। ଏହି ମ୍ୟାଚ୍ରେ ଅପରାଜିତ ୯୬ ରନ୍ର ଗୁରୁତ୍ବପୂର୍ଣ୍ଣ ଇନିଂସ୍ ଖେଳିଛନ୍ତି ୱାଶିଂଟନ୍ ସୁନ୍ଦର। ଇଂଲଣ୍ଡ୍ର ବୋଲର୍ ବେନ୍ ଷ୍ଟୋକ୍ ମହମ୍ମଦ ସିରାଜଙ୍କୁ ବିନା କୌଣସି ରନ୍ରେ ବୋଲ୍ଡ୍ ଆଉଟ୍ କରିବା ପରେ ଭାରତୀୟ ଦଳ ଅଲ୍-ଆଉଟ୍ ହୋଇଯାଇଥିଲେ। ଭାରତ ଇଂଲଣ୍ଡଠାରୁ ୧୬୦ ରନ୍ରେ ଆଗୁଆ ରହିଥିଲା।
ତେବେ ନିୟମିତ ବ୍ୟବଧାନରେ ଗୋଟିଏ ପରେ ଗୋଟିଏ ୱିକେଟ ହରାଇ ଇଂଲଣ୍ଡ ୧୩୫ ରନରେ ଅଲ ଆଉଟ ହୋଇ ଯାଇଥିଲା। ଫଳରେ ଭାରତ ଏକ ଇନିଂସ୍ ଓ ୨୫ ରନ୍ରେ ପରାସ୍ତ କରି ୩-୧ରେ ସିରଜ ବିଜୟୀ ହୋଇଛି। ଋଷଭ ପନ୍ତଙ୍କୁ ମ୍ୟାନ ଅଫ୍ ଦ ମ୍ୟାଚ ଭାବେ ଘୋଷଣା କରାଯାଇଛି। ରବିଚନ୍ଦ୍ରନ୍ ଅଶ୍ବିନ ମ୍ୟାନ ଅଫ୍ ଦ ସିରିଜ ବିବେଚିତ ହୋଇଛନ୍ତି। ସ୍କୋର-ଇଂଲଣ୍ଡ ୨୦୫ ଓ ୧୩୫; ଭାରତ ୩୬୫।
Comments are closed.