ସାମ୍ନାସାମ୍ନି ହେଲେ; କଥା ହେଲେନି

0

ନୂଆଦିଲ୍ଲୀ: ସଂସଦ ଭବନ ଉପରେ ୨୦୦୧ ଡିସେମ୍ବର ୧୩ରେ ହୋଇଥିବା ଆତଙ୍କବାଦୀ ଆକ୍ରମଣର ବର୍ଷପୂର୍ତ୍ତି ଗୁରୁବାର ପାଳନ ହୋଇଛି। ଏହି ଅବସରରେ ସଂସଦରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଉପରାଷ୍ଟ୍ରପତି ଭେଙ୍କିଆ ନାଇଡୁ ଏବଂ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ସମେତ ବହୁ ସାଂସଦ ଯୋଗଦେଇ ଆକ୍ରମଣରେ ପ୍ରାଣ ହରାଇଥିବା ଲୋକଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ। ଏହି ଅବସରରେ ମୋଦୀ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ସହିତ କଥା ହୋଇଥିଲେ; କିନ୍ତୁ ସେ ଏବଂ ରାହୁଲ ସାମ୍ନାସାମ୍ନି ହୋଇଥିଲେ ମଧ୍ୟ ପରସ୍ପର ସହିତ କୌଣସି କଥାବାର୍ତ୍ତା ହୋଇ ନ ଥିବା ଦେଖିବାକୁ ମିଳିଥିଲା। ସର୍ବଦା ପରସ୍ପରକୁ ସମାଲୋଚନା କରୁଥିବା ମୋଦୀ ଏବଂ ରାହୁଲଙ୍କୁ ୫ ରାଜ୍ୟର ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବା ପରେ ପ୍ରଥମଥର ଲାଗି ଗୋଟିଏ କାର୍ଯ୍ୟକ୍ରମରେ ଦେଖିବାକୁ ମିଳିଥିଲା; କିନ୍ତୁ କେହି ସୌଜନ୍ୟ ରକ୍ଷା କରି ନ ଥିଲେ। କେହି କାହା ସହିତ କଥା ନ ହେବା ଘଟଣାକୁ ନେଇ ରାଜନୈତିକ ମହଲରେ ନାନା ଚର୍ଚ୍ଚା ହେଉଛି।

Comments
Loading...