ଶ୍ରୀମନ୍ଦିରରେ କାର୍ତ୍ତିକ ନୀତି; ବିଳମ୍ବରେ ମିଳିଲା ମହାପ୍ରସାଦ

0

ପୁରୀ, ୨୫ା୧୦ : କାର୍ତ୍ତିକମାସର ପ୍ରଥମ ଦିନ ବିଳମ୍ବ ହୋଇଛି ଶ୍ରୀଜୀଉଙ୍କ ଭୋଗମଣ୍ଡପ ନୀତି। ନିର୍ଦ୍ଧାରିତ ସମୟଠାରୁ ପ୍ରାୟ ୪ଘଣ୍ଟା ବିଳମ୍ବରେ ମହାପ୍ରସାଦ ବାହାରିଛି। ମନ୍ଦିର ପ୍ରଶାସନ ପକ୍ଷରୁ ପ୍ରସ୍ତୁତ ନୀତିନିର୍ଘଣ୍ଟ ଠିକ୍‍ଭାବେ କାର୍ଯ୍ୟକାରୀ ହୋଇପାରି ନାହିଁ। ଗୁରୁବାର ଶ୍ରୀମନ୍ଦିର ଦ୍ୱାରଫିଟା ଏବଂ ମଙ୍ଗଳଆଳତୀ ସମେତ ଅନ୍ୟାନ୍ୟ ନୀତି ବିଳମ୍ବ ହୋଇଛି। ଶ୍ରୀକ୍ଷେତ୍ରରେ ହବିଷ୍ୟବ୍ରତ ପାଳନ ପାଇଁ ପ୍ରାୟ ୧୦ହଜାର ଶ୍ରଦ୍ଧାଳୁଙ୍କ ସମାଗମ ହୋଇଛି। ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନ ପାଇଁ ଶ୍ରୀମନ୍ଦିରରେ ଭକ୍ତଙ୍କ ଗହଳି ପରିଲକ୍ଷିତ ହୋଇଛି। ତାହାକୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ନୀତିନିର୍ଘଣ୍ଟ ପ୍ରସ୍ତୁତ କରାଯାଇଛି। ଚଳିତମାସ ୨୦ରୁ ନଭେମ୍ବର ୨୩ତାରିଖ କାର୍ତ୍ତିକପୂର୍ଣ୍ଣିମା ପର୍ଯ୍ୟନ୍ତ ତାହା କାର୍ଯ୍ୟକାରୀ ହେବ। ତେବେ ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଅନୁଷ୍ଠିତ ନୀତି ସବ୍‍କମିଟି ବୈଠକରେ ଯାହା ସ୍ଥିର ହୋଇଥିଲା ତାହା ବାସ୍ତବରେ କାର୍ଯ୍ୟକାରୀ ହୋଇପାରିନାହିଁ।
ସେବକଙ୍କ ପରାମର୍ଶକୁ ଭିତ୍ତିକରି ସ୍ୱତନ୍ତ୍ର ନୀତିନିର୍ଘଣ୍ଟ ପ୍ରସ୍ତୁତ ହୋଇଥିଲେ ହେଁ କାର୍ତ୍ତିକମାସର ପ୍ରଥମ ଦିନ ଗୁରୁବାର
ଭୋଗମଣ୍ଡପ ଉଠିବାରେ ବିଳମ୍ବ ହୋଇଛି। ଦିନ ୧୦ଟା ୧୦ ପରିବର୍ତ୍ତେ ଅପରାହ୍ଣ ୨ଟା ୨୦ରେ ଭୋଗମଣ୍ଡପ ଶେଷ ହୋଇଛି। ତେଣୁ ଶ୍ରୀଜୀଉଙ୍କ କାର୍ତ୍ତିକମାସ ନୀତି ଯେପରି ଶୃଙ୍ଖଳିତ ଏବଂ ସମୟାନୁବର୍ତ୍ତୀ ହେବ ସେଥିପ୍ରତି ଶ୍ରୀମନ୍ଦିର ପ୍ରଶାସନ ଗୁରୁତ୍ୱ ଦେବାକୁ ଜନସାଧାରଣଙ୍କ ପକ୍ଷରୁ ଦାବି ହେଉଛି।
ବିଳମ୍ବରେ ମିଳିଲା…

Comments
Loading...