ଭାରତୀୟ ସେନା ଦିବସ : ସେନାକୁ ସାଲ୍ୟୁଟ ଜଣାଇଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ :  ଆଜି ଭାରତୀୟ ସେନା ଦିବସ। ଭାରତୀୟ ସେନାର ବୀରତ୍ବ ଓ ସାହସକୁ ସମ୍ମାନ ଦେବା ପାଇଁ ଏହି ଦିନଟି ସ୍ମରଣୀୟ। ୧୯୪୯ ମସିହାର ଜାନୁଆରୀ ୧୫ ତାରିଖରେ ଭାରତୀୟ ସେନାର ପ୍ରଥମ ଭାରତୀୟ କମାଣ୍ଡର ଚିଫ୍ ଭାବେ କେ.ଏମ୍ କରିଅପ୍ପା ବିଧିବଦ୍ଧ ଭାବେ ଦାୟିତ୍ୱ ଗ୍ରହଣ ଥିଲେ । ସେହିଦିନ ଠାରୁ ଜାନୁଆରୀ ୧୫କୁ ସାହସୀ ଭାରତୀୟ ସେନାଙ୍କ ପାଇଁ ଉତ୍ସର୍ଗ କରାଯାଇଛି ।

ଏହି ଅବସରରେ ନୂଆଦିଲ୍ଲୀର କରିଆପ୍ପା ଗ୍ରାଉଣ୍ଡରେ ସ୍ଥଳସେନା ଦିବସରେ ମିଳିତ ପରେଡ ଅନୁଷ୍ଠିତ ହୋଇଯାଇଛି। ଆଜି ବୀର ଯବାନଙ୍କୁ ସାରା ଦେଶ ମନେ ପକାଉଛି। ଭାରତୀୟ ସେନା ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଛି।
ଶାନ୍ତି ପ୍ରତିଷ୍ଠା ଓ ଆତଙ୍କବାଦ ବିରୋଧରେ ଭାରତୀୟ ସେନାର ଲଢ଼େଇ ବିଶ୍ୱ ପାଇଁ ଉଦାହରଣ ପାଲଟିଛି । ଦେଶରେ ଯେକୌଣସି ପରିସ୍ଥିତି ଆସିଲେ ମଧ୍ୟ ସେନା ସର୍ବଦା ସଜାଗ ରହିଥାଏ । ଭାରତୀୟ ସେନାର ସାହସ, ବୀରତ୍ବ ଓ ଦେଶପ୍ରେମ ସବୁବେଳେ ସାଧାରଣ ନାଗରିକଙ୍କୁ ପ୍ରେରଣା ଯୋଗାଇଥାଏ । ସେମାନଙ୍କ ଅକ୍ଳାନ୍ତ ପରିଶ୍ରମ ଯୋଗୁଁ ଦେଶବାସୀ ଶାନ୍ତିରେ ରହିଥାନ୍ତି। ସୀମାରେ ଦେଶକୁ ସୁରକ୍ଷା ଦେବା ସହ ଆଭ୍ୟନ୍ତରୀଣ ସୁରକ୍ଷା ପାଇଁ ମଧ୍ୟ ଏମାନଙ୍କ ଅତୁଳନୀୟ ଅବଦାନ ରହିଛି ।

PM Narendra Modi wishes soldiers and their family members on the occasion of Army Day. “Our Army is strong, courageous and determined and has always made the country proud. I salute the Indian Army on behalf of all the countrymen,” he tweets. pic.twitter.com/cboWcZCEEZ

— ANI (@ANI) January 15, 2021

ସେନା ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସମସ୍ତ ଦେଶବାସୀଙ୍କ ତରଫରୁ ଭାରତୀୟ ସେନାକୁ ସାଲ୍ୟୁଟ ଣାଇଛନ୍ତି। ଏକ ଟୁଇଟ୍‌ରେ ଶ୍ରୀ ମୋଦୀ କହିଛନ୍ତି ଯେ ଆମର ସେନା ଶକ୍ତିଶାଳୀ, ସାହସୀ ଏବଂ ସଂକଳ୍ପବଦ୍ଧ ଯାହା ଦେଶକୁ ସର୍ବଦା ଗର୍ବିତ କରିଥାଏ। ଏହି ଅବସରରେ ସେ ସୈନିକ ଏବଂ ସେମାନଙ୍କ ପରିବାରକୁ ଶୁଭେଚ୍ଛା ଜଣାଇଛନ୍ତି। ୧୯୪୯ ମସିହାରେ ଭାରତର ଶେଷ ବ୍ରିଟିଶ କମାଣ୍ଡର ଜେନେରାଲ ଫ୍ରାନ୍ସିସ୍ ବର୍ଚଙ୍କ ଠାରୁ ଭାରତୀୟ ସେନାର ପ୍ରଥମ ଭାରତୀୟ କମାଣ୍ଡର ଚିଫ୍ ଭାବେ କେ.ଏମ୍ କରିଅପ୍ପା ବିଧିବଦ୍ଧ ଭାବେ ଦାୟିତ୍ୱ ଗ୍ରହଣ ଥିଲେ ।