ପ୍ରଦୂଷଣ ଜନିତ ଶିଶୁ ମୃତ୍ୟୁ ସଂଖ୍ୟା ଭାରତରେ ସର୍ବାଧିକ

0

ନୂଆଦିଲ୍ଳୀ: ପ୍ରଦୂଷଣରେ ଭାରତରେ ୨୦୧୬ରେ ୧,୧୦,୦୦୦ ହଜାର ଶିଶୁଙ୍କ ମୃତ୍ୟୁ ଘଟିଛି। ସେମାନଙ୍କ ମଧ୍ୟରୁ ୫ ବର୍ଷରୁ କମ୍‍ ଶିଶୁଙ୍କ ସଂଖ୍ୟା ୬୦,୯୮୭। ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟରେ ଏହା ପ୍ରକାଶ ପାଇଛି। ପ୍ରଦୂଷଣରେ ଶିଶୁ ମୃତ୍ୟୁ ତାଲିକାରେ ଭାରତ ପ୍ରଥମ ସ୍ଥାନରେ ରହିଛି।
‘ବାୟୁ ପ୍ରଦୂଷଣ ଓ ଶିଶୁ ସ୍ୱାସ୍ଥ୍ୟ: ସ୍ୱଚ୍ଛ ବାୟୁର ଆବଶ୍ୟକତା’ ଶୀର୍ଷକ ଏହି ରିପୋର୍ଟ ଅନୁଯାୟୀ, ହାରାହାରି ୬୦,୯୮୭ ଭାରତୀୟ ଶିଶୁ ପ୍ରତିବର୍ଷ ପ୍ରଦୂଷଣରେ ପ୍ରାଣ ହାରୁଛନ୍ତି। ଭାରତ ପଛକୁ ନାଇଜେରିଆ ଓ ପାକିସ୍ତାନ ରହିଛନ୍ତି। ଏହି ଦୁଇ ଦେଶର ପ୍ରଦୂଷଣ ଜନିତ ଶିଶୁ ମୃତ୍ୟୁ ସଂଖ୍ୟା ଯଥାକ୍ରମେ ୪୭,୬୭୪ ଓ ୨୧, ୧୩୬।
ଭାରତରେ ପ୍ରଦୂଷଣ ଜନିତ ଶିଶୁ ମୃତ୍ୟୁରେ ବାଳିକାଙ୍କ ସଂଖ୍ୟା ବାଳକଙ୍କ ତୁଳନାରେ ଅଧିକ ରହିଛି।
ଭାରତରେ ପ୍ରଦୂଷଣ ଜନିତ ଶିଶୁ ମୃତ୍ୟୁ ପରିମାଣ ସମଗ୍ର ବିଶ୍ୱର ପ୍ରଦୂଷଣ ଜନିତ ମୃତ୍ୟୁ ସଂଖ୍ୟାର ୨୫%। ବିଶ୍ୱରରେ ପ୍ରତିଦିନ ୧୫ ବର୍ଷରୁ କମ୍‍ ବୟସର ୯୩% ଶିଶୁ ପ୍ରଦୂଷିତ ବାୟୁ ପ୍ରଶ୍ୱାସରେ ନେଉଛନ୍ତି। ୨୦୧୬ରେ ବିଶ୍ୱର ୬ ଲକ୍ଷ ଶିଶୁ ବାୟୁ ପ୍ରଦୂଷଣ ଓ ଫୁସ୍‍ଫୁସ୍‍ ଜନିତ ସଂକ୍ରମଣ ଯୋଗୁଁ ମୃତ୍ୟୁ ବରଣ କରିଛନ୍ତି। ନିମ୍ନ ଓ ନିମ୍ନମଧ୍ୟବିତ୍ତ ବର୍ଗର ଲୋକ ବସବାସ କରୁଥିବା ଦେଶରେ ଏହି ସ୍ଥିତି ଉଦ୍‍ବେଗଜନକ। ବିଶେଷକରି ଗର୍ଭବତୀମାନେ ପ୍ରଦୂଷିତ ବାୟୁ ପ୍ରଶ୍ୱାସରେ ନେଉଥିବାରୁ ଏହାର ପ୍ରତିକୂଳ ପ୍ରଭାବ ଗର୍ଭସ୍ଥ ଶିଶୁର ମସ୍ତିଷ୍କ ଓ ପୌଷ୍ଟିକତାକୁ ପ୍ରଭାବିତ କରୁଥିବା ରିପୋର୍ଟରେ ଉଲ୍ଲେଖ ରହିଛି।

Comments
Loading...