ପୁରୁଷ ବିଶ୍ବକପ୍‌ ହକି – ଏ ପାଖ ସେ ପାଖ

0

ମ୍ୟାଚ ଦେଖିଲେ ୨ ଲକ୍ଷ ୫୦ ହଜାର ଦର୍ଶକ


କଳିଙ୍ଗ ଷ୍ଟାଡ଼ିୟମରେ ଆୟୋଜିତ ଚତୁର୍ଦଶ ପୁରୁଷ ହକି ବିଶ୍ୱକପରେ ମୋଟ ୧୮ ଦିନରେ ୩୬ଟି ମ୍ୟାଚ ଖେଳାଯାଇଥିଲା। ଏଥିରେ ମୋଟ ୨ ଲକ୍ଷ ୫୦ ହଜାରରୁ ଊର୍ଦ୍ଧ୍ବ ଦର୍ଶକ ଷ୍ଟାଡ଼ିୟମରେ ମ୍ୟାଚ ଦେଖି ବିଶ୍ୱକପ ଇତିହାସରେ ନୂଆ ରେକର୍ଡ ସୃଷ୍ଟି କରିଛନ୍ତି। ଭାରତ ମ୍ୟାଚ ବ୍ୟତୀତ ସେମିଫାଇନାଲ ଓ ଫାଇନାଲ ମ୍ୟାଚରେ ଦର୍ଶକ ଭରପୂର ରହିଥିଲା। ଏଭଳି ଉତ୍ସାହ ପୂର୍ବରୁ କୌଣସି ବିଶ୍ୱକପରେ ଦେଖିବାକୁ ମିଳିନଥିଲା।

ସଚିନ,ସଚିନ…..ରେ କମ୍ପିଲା କଳିଙ୍ଗ


କ୍ରିକେଟର ଭଗବାନ, ମାଷ୍ଟର ବ୍ଲାଷ୍ଟର, ଭାରତ ରତ୍ନ ସଚିନ ତେନ୍ଦୁଲକରଙ୍କ ପାଇଁ ରବିବାର କଳିଙ୍ଗ ଷ୍ଟାଡ଼ିୟମରେ ଦର୍ଶକଙ୍କ ସବୁ ଉତ୍ସାହ ସୀମା ଟପି ଯାଇଥିଲା। ଅଷ୍ଟ୍ରେଲିଆ ଓ ଇଂଲଣ୍ଡ ମ୍ୟାଚର ଅନ୍ତ୍‍ିମ କ୍ୱାର୍ଟର ସମୟରେ ସଚିନ କଳିଙ୍ଗ ଷ୍ଟାଡ଼ିୟମରେ ପହଚିଂଥିଲେ। ସଚିନ ଷ୍ଟାଡ଼ିୟମରେ ପହଂଚିପା ପରେ ଦର୍ଶକଙ୍କ ଉତ୍ସାହ ସୀମା ଟପିଯାଇଥିଲା। ଗ୍ୟାଲେରୀରେ ଉପସ୍ଥିତ ହଜାହାଜର ଦର୍ଶକ ଛିଡ଼ାହୋଇ ସଚିନ… ସଚିନ…. ଧ୍ୱନୀରେ ପ୍ରକମ୍ପିତ ହୋଇଥିଲା। ସଚିନ ଭିଭିଆଇଙ୍କ ପାଇଁ ଉଦ୍ଧିଷ୍ଟ ଗ୍ୟାଲେରୀରେ ବସିଥିବା ବେଳେ ତଳେ ଫଟୋ ନେବା ଲାଗି ଦର୍ଶକଙ୍କ ପ୍ରବଳ ଗହଳି ଲାଗି ରହିଥିଲା। କ୍ରିକେଟ ଦୁନିଆର ଭଗବାନଙ୍କକୁ ହାତ ପାହାନ୍ତାରେ ଦେଖି ଦର୍ଶକ ପୂରା ବିଭୋର ହୋଇ ଯାଇଥିଲା। ଏପରିକି ସଚିନ ତେନ୍ଦୁଲକରଙ୍କୁ ଦେଖିବା ପରେ ଦର୍ଶକ ଫାଇନାଲ ମ୍ୟାଚ ଉପରୁ ନଜର ହଟାଇ ଖାଲି ସଚିନ… ସଚିନ…. ଧ୍ୱନୀ ଦେଇଥିଲେ।

Comments
Loading...