ନୂଆଦିଲ୍ଲୀ : ଅଗଷ୍ଟ ମାସର ପାଇକାରୀ ମୁଦ୍ରାସ୍ଫୀତି ଅପରିବର୍ତ୍ତିତ ରହିଛି। ଜୁଲାଇରେ ପାଇକାରୀ ମୁଦ୍ରାସ୍ପୀତି ୧.୦୮% ଥିଲାବେଳେ ଅଗଷ୍ଟରେ ମଧ୍ୟ ଏହା ୧.୦୮% ରହିଛି। ତେବେ ୨୦୧୮ ଅଗଷ୍ଟ ମାସରେ ପାଇକାରୀ ମୁଦ୍ରାସ୍ଫୀତି ୪.୬୨% ଥିଲା।
ଖାଦ୍ୟ ପଦାର୍ଥ ଏବଂ ପନିପରିବା ଦରରେ ହ୍ରାସ ଯୋଗୁଁ ଜୁଲାଇ ମାସରେ ପାଇକାରୀ ମୁଦ୍ରାସ୍ଫୀତି ହ୍ରାସ ପାଇଁ ୧.୦୮%ରେ ପହଞ୍ଚିଥିଲା। ଏହା ପୂର୍ବରୁ ଜୁନରେ ପାଇକାରୀ ମୁଦ୍ରାସ୍ଫୀତି ୨୩ ମାସର ସର୍ବନିମ୍ନସ୍ତର ୨.୦୨%ରେ ଥିଲା। ଇନ୍ଧନ, ପନିପରିବା, ବିଦ୍ୟୁତ ସହ ଜଡିତ ସାମଗ୍ରୀଗୁଡ଼ିକର ମୂଲ୍ୟରେ ହ୍ରାସ ଯୋଗୁଁ ପାଇକାରୀ ମୁଦ୍ରାସ୍ଫୀତିରେ କ୍ରମାଗତ ତୃତୀୟ ମାସ ହ୍ରାସ ପରିଲକ୍ଷିତ ହୋଇଛଛି। ଗତ ବର୍ଷ ଜୁଲାଇରେ ପାଇକାରୀ ମୁଦ୍ରାସ୍ପୀତି ୫.୨୭% ଥିଲା।
ସୋମବାର ଜାରି ପାଇକାରୀ ମୂଲ୍ୟ ସୂଚକାଙ୍କ (ଡବ୍ଲ୍ୟୁପିଆଇ) ଅନୁସାରେ ଜୁଲାଇ ମାସର ମୁଦ୍ରାସ୍ଫୀତି ସର୍ବନିମ୍ନସ୍ତର ୧.୦୮%ରେ ପହଞ୍ଚିଥିଲା। ସୋମବାର ସରକାରଙ୍କ ପକ୍ଷରୁ ଜାରି ତଥ୍ୟ ଅନୁସାରେ ଖାଦ୍ୟପଦାର୍ଥ ମୁଦ୍ରାସ୍ଫୀତି ଜୁଲାଇରେ ୬.୧୫% ଥିଲାବେଳେ ଅଗଷ୍ଟରେ ଏହା ବୃଦ୍ଧି ପାଇ ୭.୬୭%ରେ ପହଞ୍ଚିଛି। ପନିପରିବା, ପୁଷ୍ଟିସାର ଯୁକ୍ତ ପଦାର୍ଥ ଅଧିକ ମହଙ୍ଗା ହୋଇଛି। ପନିପରିବା ଦର ୧୩.୦୭% ବୃଦ୍ଧି ପାଇଛି। ପୁଷ୍ଟସାର ଯୁକ୍ତ ଖାଦ୍ୟ ପଦାର୍ଥ ଅଣ୍ଡା, ମାଂସ ଏବଂ ମାଛ ଦର ଜୁଲାଇରେ ୩.୧୬% ତୁଳନାରେ ଅଗଷ୍ଟରେ ବୃଦ୍ଧି ପାଇ ୬.୬୦%ରେ ପହଞ୍ଚିଛି। ଇନ୍ଧନ, ବିଦ୍ୟୁତ୍ ଦରରେ ହ୍ରାସ ଘଟିଛି।
ଜୁଲାଇ ମାସର ପାଇକାରୀ ମୁଦ୍ରାସ୍ଫୀତି ହ୍ରାସ ପାଇ ୨୫ ମାସର ସର୍ବନିମ୍ନସ୍ତରରେ ପହଞ୍ଚିଛି। ଖାଦ୍ୟ ପଦାର୍ଥ ଏବଂ ପନିପରିବା ଦର ହ୍ରାସର ସକରାତ୍ମକ ପ୍ରଭାବ ପାଇକାରୀ ମୁଦ୍ରାସ୍ଫୀତି ଉପରେ ପଡିଛି। ଏହି କ୍ରମରେ ଜୁଲାଇ ମାସର ପାଇକାରୀ ମୁଦ୍ରାସ୍ଫୀତି ହ୍ରାସ ପାଇ ୧.୦୮% ରହିଛି। ଗତ ଜୁନ ମାସରେ ପାଇକାରୀ ମୁଦ୍ରାସ୍ଫୀତି ୨.୦୨% ଥିଲା। ଏହା ପୂର୍ବରୁ ୨୦୧୮ ଜୁଲାଇ ମାସରେ ପାଇକାରୀ ମୁଦ୍ରାସ୍ଫୀତି ୫.୨୭% ଥିଲା।