ଭଦୋଦରା : ଜାସନ ହୋଲଡରଙ୍କ ନେତୃତ୍ୱାଧୀନ ୱେଷ୍ଟଇଣ୍ଡିଜ କ୍ରିକେଟ ଦଳ ଗୁରୁବାର ଭାରତରେ ପହଞ୍ଚିଛି। ବିମାନବନ୍ଦର ଓ ହୋଟେଲରେ ଇଣ୍ଡିଜ କ୍ରିକେଟରଙ୍କୁ ପାରମ୍ପରିକ ଶୈଳୀରେ ସ୍ୱାଗତ କରାଯାଇଥିଲା। ୱେଷ୍ଟଇଣ୍ଡିଜ କ୍ରିକେଟ ବୋର୍ଡ ପକ୍ଷରୁ ଖେଳାଳିଙ୍କୁ ସ୍ୱାଗତ କରାଯାଉଥିବା ଫଟୋଗୁଡିକୁ ସାମାଜିକ ଗଣମାଧ୍ୟମରେ ଅପ୍ଲୋଡ କରାଯାଇଛି। ଏହି ଗସ୍ତକାଳରେ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ୨ଟି ଟେଷ୍ଟ, ୫ଟି ଦିନିକିଆ ଓ ୨ଟି ଟ୍ୱେଣ୍ଟି୨୦ ଖେଳାଯିବ। ଅକ୍ଟୋବର ୪ରୁ ପ୍ରଥମ ଟେଷ୍ଟ ରାଜକୋଟରେ ଆରମ୍ଭ ହେବ। ୧୯୪୮ରୁ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ମୋଟ ୯୪ଟି ଟେଷ୍ଟ ଖେଳାଯାଇଛି। ଏଥିମଧ୍ୟରୁ ଭାରତ ୨୮ଟି ଓ ୱେଷ୍ଟଇଣ୍ଡିଜ ୩୦ଟିରେ ବିଜୟୀ ହୋଇଥିବାବେଳେ ଅବଶିଷ୍ଟ ୩୬ଟି ଟେଷ୍ଟ ଅମୀମାଂସିତ ରହିଛି।
