କାର୍ଯ୍ୟାଳୟ ପାଇଁ ବାସ୍ତୁ ଟିପ୍ସ

0
471
Pic courtesy : Microsoft

ବାସ୍ତୁଶାସ୍ତ୍ର ଅନୁଯାୟୀ, ଘର ହେଉ କି କାର୍ଯ୍ୟାଳୟ କିଛି ନିୟମ ମାନି ଚଳିବା ଉଚିତ। ବାସ୍ତୁଶାସ୍ତ୍ରରେ ଘର ଓ କାର୍ଯ୍ୟାଳୟ ପାଇଁ ଅନେକ ନିୟମ ଉଲ୍ଲେଖ ରହିଛି। ଏହାକୁ ମାନିବା ଦ୍ବାରା ବ୍ୟକ୍ତିଗତ ଜୀବନରେ ଉନ୍ନତି ହୋଇଥାଏ। ଏହାସହ ବ୍ୟବସାୟରେ ଅନେକ ସଫଳତା ମଧ୍ୟ ମିଳିଥାଏ। ବାସ୍ତୁଶାସ୍ତ୍ର ଅନୁଯାୟୀ, କାର୍ଯ୍ୟାଳୟରେ ସଠିକ ସ୍ଥାନ​‌ରେ ବସିବା ଦ୍ବାରା ସମସ୍ତ କ୍ଷେତ୍ରରେ ସଫଳତା ମିଳିଥାଏ। ଆସନ୍ତୁ ଜାଣିବା, କାର୍ଯ୍ୟାଳୟରେ କେଉଁ ସ୍ଥାନରେ ବସିବା ଉଚିତ ..

କାର୍ଯ୍ୟାଳୟ ମୁଖ୍ୟଙ୍କ ବସିବା ସ୍ଥାନ ତଳ ମହଲାରେ ହେବା ଅନୁଚିତ। ଏହାସହ ପ୍ରବେଶ ଦ୍ବାର ନିକଟରେ ହେବା ମଧ୍ୟ ଉଚିତ ନୁହେଁ। ତେଣୁ କାର୍ଯ୍ୟାଳୟ ମୁଖ୍ୟଙ୍କ ବସିବା ସ୍ଥାନ ସର୍ବଦା ଉଚ୍ଚ ସ୍ଥାନରେ ହେବା ଉଚିତ।

କୌଣସି କର୍ମଚାରୀ କେବେ ବି କୌଣସି ଗୃହର ଦ୍ବାର ମୁହଁରେ ବସିବା ଉଚିତ ନୁହେଁ। ଏହାସହ କାର୍ଯ୍ୟାଳୟରେ କୌଣସି କର୍ମଚାରୀଙ୍କ ମୁହାଁମୁହିଁ ବସନ୍ତୁ ନାହିଁ।

କାର୍ଯ୍ୟାଳୟରେ କେ​‌ବେ ବି ଅଧିକ ଗାଢ ରଙ୍ଗ ଦିଅନ୍ତୁ ନାହିଁ। ଏହା କର୍ମଚାରୀଙ୍କ ଉପରେ ନକରାତ୍ମକ ପ୍ରଭାବ ପକାଇଥାଏ।

ଐଶାନ୍ୟ କୋଣରେ ସର୍ବଦା ପାଣିର ବ୍ୟବସ୍ଥା କରିବା ଉଚିତ।

କାର୍ଯ୍ୟାଳୟର କୋଷାଧ୍ୟକ୍ଷ ସର୍ବଦା ଉତ୍ତର ଦିଗରେ ବସିବା ଉଚିତ। ଏହାଦ୍ବାରା ଅଧିକ ଉନ୍ନତି ହୋଇଥାଏ।

କାର୍ଯ୍ୟାଳୟର ଯେକୌଣସି ବୈଦ୍ୟୁତିକ ଉପକରଣକୁ ଆଗ୍ନେୟ କୋଣରେ ରଖିବା ଉଚିତ।

ସର୍ବଦା କାର୍ଯ୍ୟାଳୟର ଉପରିସ୍ଥ କର୍ମଚାରୀମାନେ ଦକ୍ଷିଣ ଦିଗ ଓ ଅଧସ୍ତନ କର୍ମଚାରୀମାନେ ପଶ୍ଚିମ ଦିଗରେ ବସିବା ଉଚିତ।

Facebook Comments

READ  ଘରେ ମନି-ପ୍ଲାଣ୍ଟ ଅଛି କି ? ଜାଣନ୍ତୁ କେଉଁ ଦିଗରେ ରଖିଲେ ଶୁଭଫଳ ମିଳେ