ଫେରାର ହେବାକୁ ଚେଷ୍ଟା ବେଳେ ଅଦାଲତ ଛାତରୁ  ପଡ଼ି କଏଦୀ ଆହତ

0

ସୁନ୍ଦରଗଡ଼:  ମଙ୍ଗଳବାର ମଧ୍ୟାହ୍ନରେ ଜିଲା କୋର୍ଟର ପ୍ରଥମ ମହଲାରୁ ପଡ଼ି ଜୈନିକ ବିଚାରଧୀନ କଏଦୀ ଆହତ ହୋଇଛି । ବିଚାରଧୀନ କଏଦୀଙ୍କୁ ଅଦାଲତରେ ହାଜର କରିବାକୁ ଆଣାଯାଇଥିଲା । ସେ  ଫେରାର ହେବାକୁ ଉଦ୍ୟମ କରି ଖସିପଡ଼ିଥିବା ତାଙ୍କ ସହ ଥିବା ପୁଲିସ କର୍ମଚାରୀ ଥାନାରେ ଏତଲା ଦେଇଛନ୍ତି । ଆହତ କଏଦୀଙ୍କୁ ଚିକିତ୍ସ ପାଇଁ ସୁନ୍ଦରଗଡ଼ ସଦର ହସ୍ପିଟାଲରେ ଭର୍ତ୍ତ କରାଯାଇଛି  ।

ପୁଲିସ ସୂତ୍ରରୁ ପ୍ରକାଶ, ରାଜଗାଙ୍ଗପୁର ଥାନା ଅଞ୍ଚଳରେ ଘଟିଥିବା ଏକ ହତ୍ୟା ମାମଲାର ବିଚାରଧିନ କଏଦୀ ସୁନିଲ ଲାକ୍ରାର ମଙ୍ଗଳବାରରେ ତାରିଖ ଥିବାରୁ ଅନ୍ୟ ବିଚାରଧିନ କଏଦୀଙ୍କ ସହ ତାଙ୍କୁ ମଧ୍ୟ ଜିଲା କୋର୍ଟରେ ହାଜର କରାଯିବାକୁ ଅଣାଯାଇଥିଲା । ଜିଲା କୋର୍ଟର ପ୍ରଥମ ମହଲା ବାରଣ୍ଡାରେ ନିଜ ପରିବାର ବର୍ଗଙ୍କ ସହ କଥା ହେଉଥିବା ବେଳେ ହଠାତ ପରିଶ୍ରା ଯିବି ବୋଲି କହି ପ୍ରଥମ ମହଲା ବାରଣ୍ଡାରେ ଦିଆଯାଇଥିବା କାନ୍ଥ ଉପରୁ ଡ଼େଇଁ ପଡିଥିଲା । ସେ ତଳେ ଥିବା ଏକ ମଟର ସାଇକେଲ ଉପରେ ପଡିଥିଲା ତେବେ ସୁରକ୍ଷାରେ ଅବହେଳା ଯୋଗୁଁ ସେ ଫେରାର ହେବାକୁ ଉଦ୍ୟମ କରୁଥିବା ଅଭିଯୋଗ ହୋଇଛି ।

Leave A Reply