କୁଲ୍‍ଗାମରେ ୨ଆତଙ୍କବାଦୀ ନିହତ

0
69
Representational Pic

ଶ୍ରୀନଗର : ଜମ୍ମୁ-କାଶ୍ମୀରର କୁଲ୍‍ଗାମ୍‍ ଜିଲ୍ଲାରେ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଘଟିଥିବା ସଂଘର୍ଷରେ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି। ସୁରକ୍ଷା ବାହିନୀ ସୂତ୍ରରୁ ଜଣାପଡ଼ିଛି, କୁଲ୍‍ଗାମ୍‍ ଜିଲ୍ଲାର ୟାରିପୋରାର କଟାପୋରା ଗ୍ରାମରେ କେତେକ ସନ୍ତ୍ରାସବାଦୀ ଲୁଚି ରହିଥିବା ସୂଚନା ମିଳିବା ପରେ ସେଠାରେ ଚଢ଼ଉ କରାଯାଉଥିଲା। ଆତଙ୍କବାଦୀମାନେ ସୁରକ୍ଷା ବାହିନୀ ଉପରକୁ ଆଖିବୁଜା ଗୁଳି ଚଳାଇଥିଲେ। ସୁରକ୍ଷା ବାହିନୀର ପାଲଟା ଆକ୍ରମଣରେ ଗତ ସନ୍ଧ୍ୟାରେ ଦୁଇ ଜଣ ଆତଙ୍କବାଦୀଦୀଙ୍କ ମୃତ୍ୟୁ ଘଟିଥିବା ରାଜ୍ୟ ପୁଲିସ୍‍ ମହାନିର୍ଦ୍ଦେଶକ ଦିଲ୍‍ବାଗ୍‍ ସିଂହ ସୂଚନା ଦେଇଛନ୍ତି।

ତେବେ ମୃତ ଆତଙ୍କବାଦୀଙ୍କ ମଧ୍ୟରୁ ଜଣଙ୍କର ପରିଚୟ ମିଳିଛି । ସେ ହେଉଛି କୁଖ୍ୟାତ ଆତଙ୍କବାଦୀ ଜୀନତ ଉଲ-ଇସଲାମ। ସେ ଅଲ-ବଦ୍ର ଆତଙ୍କବାଦୀ ସଂଗଠନ ସହିତ ଜଡିତ ଥିଲା। ଜୀନତ ଆଇଡି ବିସ୍ଫୋରଣରେ ମାହିର ଥିଲା । ପ୍ରଥମେ ସେ ହିଜବୁଲ ମୁଜାହିଦ୍ଦିନ ସହିତ ଜଡିତ ଥିଲା। ତେବେ ଏହି ଆତଙ୍କବାଦୀର ମୃତ୍ୟୁ ପରେ ସଂପୃକ୍ତ ଅଞ୍ଚଳରେ ପଥର ଫିଙ୍ଗା ଆରମ୍ଭ ହୋଇଇଥିଲା। ସୁରକ୍ଷା ଦୃଷ୍ଟିରୁ ସମ୍ପୂର୍ଣ୍ଣ ଅଞ୍ଚଳରେ ଇଣ୍ଟରନେଟ ସେବା ବନ୍ଦ କରିଦିଆ ଯାଇଛି। ସେହିପରି ସୁରକ୍ଷା ବ୍ୟବସ୍ଥାକୁ  ମଧ୍ୟ  କଡାକଡ଼ି କରାଯାଇଛି।

LEAVE A REPLY

Please enter your comment!
Please enter your name here