ନେତାଜୀ ସୁବାଷ ବୋଷ କଲେଜରେ ସତର୍କତା ଜାଗରଣ ସପ୍ତାହ ପାଳନ

ତୁମୁଡିବନ୍ଧ(ଇମିସ) : କନ୍ଧମାଳ ଜିଲ୍ଲା ତୁମୁଡିବନ୍ଧ ସ୍ଥିତ ନେତାଜୀ ସୁବାଷ ବୋଷ ଉଚ୍ଚ ମାଧ୍ୟମିକ ବିଦ୍ୟାଳୟରେ ସତର୍କତା ଜାଗରଣ ସପ୍ତାହ ପାଳିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ଡ଼.ସୁନିଲ କୁମାର ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ଯୋଜନା ଅଧିକାରିଣୀ ଡ଼. ମଞ୍ଜୁଳା ମହାପାତ୍ର ପରିଚାଳନା କରିଥିଲେ। ଓଡ଼ିଶାରୁ ଦୁର୍ନୀତିକୁ ମୂଳ ଉତ୍ପାଟନ କରିବା, ଲାଞ୍ଚ ଓ ପିସି କାରବାର ବନ୍ଦ କରିବା ନେଇ ସମସ୍ତ ଅଧ୍ୟାପକ ଅଧ୍ୟାପିକା, ଛାତ୍ରଛାତ୍ରୀମାନେ ପୋଷ୍ଟର ଓ ପ୍ଲାକାର୍ଡ ଧରି ସଚେତନ କରାଇଥିଲେ। ଅନ୍ୟମାନଙ୍କ ମଧ୍ୟରେ ଅଧ୍ୟାପକ ଦୁଃଖୀଶ୍ୟାମ ମହାରଣା, ଭଞ୍ଜ କିଶୋର ନାୟକ, ଅଧ୍ୟାପିକା ଡ଼ ବନିତା ପଟ୍ଟନାୟକ, ପଦ୍ମାବତୀ ସାହୁ ପ୍ରମୁଖ କାର୍ଯ୍ୟକ୍ରମ ରେ ଅଂଶଗ୍ରହଣ କରିଥିଲେ। ଉକ୍ତ କାର୍ଯ୍ୟକ୍ରମ ମାଧ୍ୟମରେ ସମସ୍ତେ ଏହି ନିୟମ ପାଳନ କରିବାକୁ ଶପଥ ଗ୍ରହଣ କରିଥିଲେ।