ମୋହନା : ଗଜପତି ଜିଲ୍ଲା ମୋହନା ବ୍ଳକର ବିଭିନ୍ନ ସ୍ଥାନରେ ପୁଲୱାମା ଆତଙ୍କବାଦୀ ଆକ୍ରମଣରେ ସହିଦ ଯବାନମାନଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇ ଏକ ଶୋଭାଯାତ୍ର ଅନୁଷ୍ଠିତ ହୋଇଯାଇଛି। ରାଷ୍ଟ୍ରୀୟ ସ୍ୱୟଂ ସେବକ ସଂଘ ଶ୍ରଦ୍ଧାଞ୍ଜଳି ସମିତି ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ସ୍ଥାନୀୟ ଶିବ ମନ୍ଦିରରୁ ଏକ ଶୋଭାଯାତ୍ରା ବାହାରି ଥିଲା। ଶହୀଦ୍ ଯବାନଙ୍କ ଫଟୋ ଧରି ଲୋକେ ନଗର ପରିକ୍ରମା କରି ଶ୍ରଦ୍ଧାଞ୍ଜଳି ଜଣାଇ ଥିଲେ। ଶୋଭାଯାତ୍ରାରେ ବ୍ଳକର ବିଭିନ୍ନ ଅଂଚଳରୁ ଶତାଧିକ ଲୋକ ସାମିଲ ହୋଇ ପାକିସ୍ତାନ ମୁର୍ଦ୍ଦବାଦ, ଆତଙ୍କବାଦ ମୁର୍ଦ୍ଦବାଦ ଓ ସହିଦ ଯବାନ ଅମର ରହେ ଆଦି ସ୍ଳୋଗାନ ଦେଇଥିଲେ। ବଜାର ପରିକ୍ରମା ପରେ ସ୍ଥାନୀୟ ବ୍ଳକ କାର୍ଯ୍ୟାଳୟ ଛକରେ ପାକିସ୍ତାନ ପ୍ରଧାନ ମନ୍ତ୍ରୀ ଇମ୍ରାନ ଖାଁଙ୍କ କୁଶପୁତ୍ତଳିକା ଦାହ କରାଯାଇଥିଲା।
ଏହି କାର୍ଯ୍ୟକ୍ରମରେ ଆରଏସଏସ ଗଞ୍ଜାମ ବିଭାଗ ଶାରିରୀକ ପ୍ରମୁୁଖ ଅଶୋକ ରଣଜିତ୍, ଖଣ୍ଡ କାର୍ଯ୍ୟବାହ ବଙ୍ଗଳି ଜାନି, ପ୍ରଶାନ୍ତ ଶୁବୁଦ, ଜିଲ୍ଲା ପରିଷଦ ଅଧ୍ୟକ୍ଷା ଅନିତା ରାଣୀ ବେହେରା, ବିଜେପି ନେତା ପ୍ରଶାନ୍ତ ମଲ୍ଲିକ, ଶିରରାମ ସୁଆର, ଶିବରାମ ମହାଙ୍କୁଡ, ଜିତେନ୍ଦ୍ର ବେହେରା. ଦର୍ଲଭ ମହାପାତ୍ର, ବ୍ରହ୍ମାଶଙ୍କର ସାହୁ, ବୁଡୁ ପାତ୍ର, ସଂଜୟ ବେହେରଦଳାଇ, ଦିବାକର ପ୍ରଧାନୀଙ୍କ ସମେତ ବହୁ କାର୍ଯ୍ୟକର୍ତ୍ତା ଯୋଗଦଇଥିଲେ। ସେହିପରି ଚାନ୍ଦିପୁଟ, ଚନ୍ଦ୍ରଗିରି, ଅଡବା, ପାଣିଗଣ୍ଡାରେ ମଧ୍ୟ ଶୋଭାଯାତ୍ରା କରାଯିବା ସହ ଦୋକାନ ବଜାର ବନ୍ଦ ରହିଥିଲା।