ରିଲିଜ୍‍ ହେଲା ‘ଦି ସ୍କାଇ ଇଜ୍‍ ପିଙ୍କ୍‍’ର ପ୍ରଥମ ପୋଷ୍ଟର

0

ମୁମ୍ବଇ : ବଲିଉଡ଼ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ଦି ସ୍କାଇ ଇଜ୍‍ ପିଙ୍କ୍‍’ର ପ୍ରଥମ ପୋଷ୍ଟର ସୋମବାର ରିଲିଜ୍‍ ହୋଇଛି। ପୋଷ୍ଟର ସହିତ ଚଳଚ୍ଚିତ୍ରର ମୁକ୍ତିଲାଭ ତାରିଖ ଓ ଟ୍ରେଲର ରିଲିଜ୍‍ ତାରିଖ ମଧ୍ୟ ଘୋଷଣା କରାଯାଇଛି। ପ୍ରିୟଙ୍କା ନିଜେ ଇନ୍‍ଷ୍ଟାଗ୍ରାମରେ ପୋଷ୍ଟର ଶେୟାର କରିଛନ୍ତି। ମଙ୍ଗଳବାର ଏହାର ଟ୍ରେଲର ରିଲିଜ୍‍ ହେବ ଓ ଚଳିତ ବର୍ଷ ୧୧ ଅକ୍ଟୋବରରେ ‘ଦି ସ୍କାଇ ଇଜ୍‍ ପିଙ୍କ୍‍’ ପରଦାକୁ ଆସିବ ବୋଲି ପ୍ରିୟଙ୍କା ସୂଚନା ଦେଇଛନ୍ତି।

ପୋଷ୍ଟରରେ ପ୍ରିୟଙ୍କା ଫରହାନ ଅଖ୍‍ତରଙ୍କ ପିଠିରେ ବସିଥିବା ଦେଖିବାକୁ ମିଳିଛି। ତାଙ୍କ ଆଗରେ ରୋହିତ ସୁରେଶ ସରଫ ଓ ଜାୟରା ବସୀମ ଦୌଡ଼ୁଥିବା ନଜର ଆସିଛନ୍ତି। ଏହି ଚଳଚ୍ଚିତ୍ର ମାଧ୍ୟମରେ ପ୍ରିୟଙ୍କା ଦୀର୍ଘ ୩ ବର୍ଷ ୬ ମାସ ପରେ ବକ୍ସ ଅଫିସକୁ ଫେରୁଛନ୍ତି।