ପରଦାକୁ ଆସିଲା ‘ଦି ଆକ୍ସିଡେଣ୍ଟାଲ ପ୍ରାଇମ୍ ମିନିଷ୍ଟର’

0
195
image courtesy-Times of India

ମୁମ୍ବଇ : ଅନୁପମ ଖେର ଅଭିନୀତ ଚଳଚ୍ଚିତ୍ର ‘ଦି ଆକ୍ସିଡେଣ୍ଟାଲ ପ୍ରାଇମ୍ ମିନିଷ୍ଟର’ ଶୁକ୍ରବାର(୧୧ଜାନୁଆରୀ) ମୁକ୍ତିଲାଭ କରିଛି। ଚଳଚ୍ଚିତ୍ରର କାହାଣୀ ଦେଶର ପୂର୍ବତନ ପ୍ରଧାନମନ୍ତ୍ରୀ ଡ. ମନମୋହନ ସିଂହଙ୍କ ରାଜନୈତିକ ଜୀବନୀ ଉପରେ ଆଧାରିତ। ମନମୋହନ ସିଂହଙ୍କ ମିଡିଆ ଉପଦେଷ୍ଟା ସଞ୍ଜୟ ବାରୁଙ୍କ ଦ୍ବାରା ଲିଖିତ ପୁସ୍ତକକୁ ଆଧାର କରି ଏହି ଚଳଚ୍ଚିତ୍ର ନିର୍ମାଣ କରାଯାଇଛି। ଚଳଚ୍ଚିତ୍ରରେ ମନମୋହନ ସିଂହଙ୍କ ଭୂମିକାରେ ଲୋକପ୍ରିୟ ଅଭିନେତା ଅନୁପମ ଖେର ଅଭିନୟ କରିଥିବା ବେଳେ ଅକ୍ଷୟ ଖନ୍ନାଙ୍କୁ ସଞ୍ଜୟ ବାରୁଙ୍କ ଭୂମିକାରେ ଦେଖିବାକୁ ମିଳିଛି। ବିଜୟ ରତ୍ନାକର ଗୁଟ୍ଟେ ଚଳଚ୍ଚିତ୍ରର ନିର୍ଦ୍ଦେଶନା ଭାର ବହନ କରିଛନ୍ତି। ଅନୁପମ ଓ ଅକ୍ଷୟଙ୍କ ବ୍ୟତୀତ ଚଳଚ୍ଚିତ୍ରରେ ସୁଜୈନ ବର୍ନଟ-ସୋନିଆ ଗାନ୍ଧୀ, ଅର୍ଜନ ମାଥୁର-ରାହୁଲ ଗାନ୍ଧୀ, ଆହାନା କୁମରା-ପ୍ରିୟଙ୍କା ଗାନ୍ଧୀ, ବିମଳ ବର୍ମା-ଲାଲୁ ପ୍ରସାଦ ଯାଦବ, ଅବତେର ସୈନୀ-ଲାଲ କୃଷ୍ଣ ଆଡ଼ୱାନୀ, ଅନିଲ ରସ୍ତୋଗୀ-ଶିବରାଜ ପାଟିଲଙ୍କ ଭୂମିକାରେ ନଜର ଆସିଛନ୍ତି। ଏହି ଚଳଚ୍ଚିତ୍ରକୁ ନେଇ ଦୀର୍ଘଦିନ ହେବ ବିବାଦ ଲାଗି ରହିଛି। ଏପରି ପରିସ୍ଥିତିରେ ଚଳଚ୍ଚିତ୍ର ବକ୍ସ ଅଫିସରେ ଭଲ ବ୍ୟବସାୟ କରିବ ବୋଲି ଆଶା କରାଯାଉଛି। ପ୍ରଥମ ଦିନରେ ଚଳଚ୍ଚିତ୍ର ୩ ରୁ ୪କୋଟି ଆୟ କରିବାର ଆକଳନ କରାଯାଉଛି।