ବିଚାରବିଭାଗ ବିରୋଧୀ ମନ୍ତବ୍ୟ ପାଇଁ କ୍ଷମାମାଗିଲେ ବିଜେପି ନେତା ଏଚ୍‍ ରାଜା

0

ନୂଆଦିଲ୍ଲୀ : ବିଜେପି ଜାତୀୟ ସମ୍ପାଦକ ଏ. ରାଜା ପୁଲିସ ଏବଂ ବିଚାର ବିଭାଗ ବିରୋଧୀ ମନ୍ତବ୍ୟ ପାଇଁ ସୋମବାର ମାଡ୍ରାସ୍‍ ହାଇକୋର୍ଟରେ ନିଃସର୍ତ୍ତ କ୍ଷମାପ୍ରାର୍ଥନା କରିଛନ୍ତି। ସେପ୍ଟେମ୍ବର ୧୫ରେ ତାମିଲନାଡୁର ପୁଡୁକୋଟାଇ ଜିଲାରେ ଗଣେଶ ମୂର୍ତ୍ତି ବିସର୍ଜନ ନିମନ୍ତେ ସାମ୍ପ୍ରଦାୟିକ ସମ୍ବେଦନଶୀଳ ଅଞ୍ଚଳ ଦେଇ ଯିବାକୁ ଉଦ୍ୟମ କରିବାବେଳେ ପୁଲିସ ତାଙ୍କୁ ଅଟକାଇବାରୁ ସେ ସୁରକ୍ଷାବାହିନୀକୁ ହିନ୍ଦୁ ବିରୋଧୀ ଓ ଦୁର୍ନୀତିଖୋର ବୋଲି ଦର୍ଶାଇଥିଲେ। ପୁଲିସ ତାଙ୍କୁ ହାଇକୋର୍ଟ ଯିବାକୁ କହିବାରୁ ସେ ଉଚ୍ଚ ନ୍ୟାୟାଳୟ ବିରୋଧରେ ମଧ୍ୟ ଆପତ୍ତିଜନକ ମନ୍ତବ୍ୟ ଦେଇଥିଲେ। ଏ ସମ୍ବନ୍ଧୀୟ ଏକ ଭିଡିଓ ପ୍ରସାରିତ ହେବା ପରେ ସେପ୍ଟେମ୍ବର ୧୬ରେ ତାମିଲନାଡୁ ପୁଲିସ ରାଜାଙ୍କ ବିରୋଧରେ ମାମଲା ରୁଜୁ କରିଥିଲା। ଏହାର ଶୁଣାଣିବେଳେ ହାଇକୋର୍ଟ ବିଚାରପତି ସି.ଟି ସେଲଭମ ଏବଂ ଏମ୍‍. ନିର୍ମଳକୁମାରଙ୍କ ପୀଠ ନିକଟରେ ରାଜା ନିଃସର୍ତ୍ତ କ୍ଷମାପ୍ରାର୍ଥନା କରିଛନ୍ତି। ଘଟଣା ଦିନ ପୁଲିସ ତାଙ୍କୁ ଅଟକାଇବାରୁ ରାଜା ଅତ୍ୟନ୍ତ ଭାବୁକ ହୋଇପଡିଥିଲେ ବୋଲି ବିଜେପି ପକ୍ଷରୁ ସଫେଇ ଦିଆଯାଇଛି।

Leave A Reply