ଲୁଧିଆନା : ପଞ୍ଜାବର ଲୁଧିଆନା ସହରରେ ସ୍ୱାଇନଫ୍ଲ୍ୟୁ ଆତଙ୍କ ଦେଖାଦେଇଛି। ଲୁଧିଆନାରେ ଗତ ୨୪ ଦିନ ମଧ୍ୟରେ ସ୍ୱାଇନଫ୍ଲ୍ୟୁରେ ପ୍ରାୟ ୭ ଜଣଙ୍କ ମୃତ୍ୟୁ ଘଟିଥିବାବେଳେ ପାଖାପାଖି ୪୦ ଜଣ ଆକ୍ରାନ୍ତ ଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ଜଣାପଡ଼ିଛି। ସରକାରୀ ଡାକ୍ତର ପରବିନ୍ଦର ପାଲ ସିଂହ ସିଧୁ କହିଛନ୍ତି ଯେ କିଛି ଦିନ ମଧ୍ୟରେ ୪୦ ଜଣଙ୍କ ରକ୍ତ ପରୀକ୍ଷା କରାଯାଇଥିଲା ଓ ସେଥିମଧ୍ୟରୁ ୨୦ ଜଣ ସ୍ୱାଇନପ୍ଲ୍ୟୁରେ ଆକ୍ରାନ୍ତ ଥିବା ଚିହ୍ନଟ କରାଯାଇଥିଲା। ସେମାନଙ୍କ ମଧ୍ୟରୁ ୭ ଜଣଙ୍କ ମୃତ୍ୟୁ ଘଟିଛି। ତେଣୁ ରାଜ୍ୟ ସରକାର ଘରକୁ ଘର ଯାଇ ରକ୍ତ ନମୁନା ସଂଗ୍ରହ କରୁଛନ୍ତି ଓ ମାଗଣା ଚିକିତ୍ସା ସେବା ଯୋଗାଇ ଦେଉଛନ୍ତି। ମୁଖା ପିନ୍ଧି ଘରୁ ପଦାକୁ ବାହାରିବାକୁ ଲୋକଙ୍କୁ ସଚେତନ କରାଯାଉଛି। ସ୍ୱାଇନଫ୍ଲ୍ୟୁ ଏକ ଜୀବାଣୁଗତ ରୋଗ। ଏହା ବିଶେଷ କରି ଶ୍ୱାସ କ୍ରିୟାକୁ ପ୍ରଭାବିତ କରିଥାଏ। ଲୋକମାନେ ନିଶ୍ୱାସପ୍ରଶ୍ୱାସ ନେବାରେ କଷ୍ଟ ଅନୁଭବ କରିଥାନ୍ତି।
