ପ୍ରସ୍ତୁତ ପ୍ରଣାଳୀ :
ବ୍ରେଡ – ୮ଟି
ସୁଜି – ୧କପ
ଦହି – ୧ କପ
ପିଆଜ – ଆବଶ୍ୟକ ଅନୁଯାୟୀ
ଟମାଟୋ – ଆବଶ୍ୟକ ଅନୁଯାୟୀ
ଅଦା ପେଷ୍ଟ – ୧/୨ ଚାମଚ
ଲଙ୍କା – ୨ଟି
ତେଲ – ଆବଶ୍ୟକ ଅନୁଯାୟୀ
ବଟର – ଆବଶ୍ୟକ ଅନୁଯାୟୀ
ଧନିଆ ପତ୍ର
ଲୁଣ – ସ୍ବାଦ ଅନୁଯାୟୀ
ପ୍ରସ୍ତୁତ ପ୍ରଣାଳୀ :
ପ୍ରଥମେ ଗୋଟିଏ ପାତ୍ରରେ ଦହି ଓ ସୁଜିକୁ ମିଶାଇ ୧୦ମିନିଟ ପର୍ୟ୍ୟନ୍ତ ଘୋଡାଇ ରଖି ଦିଅନ୍ତୁ। ୧୦ମିନିଟ ପରେ ମିଶ୍ରଣରେ ଧନିଆ ପତ୍ର, ଲୁଣ, ପିଆଜ, ଟମାଟୋ ଓ ଅଦା ପେଷ୍ଟ ପକାଇ ଭଲ ଭାବେ ମିଶାଇ ଦିଅନ୍ତୁ। ପାଉଁରୁଟିରେ ମିଶ୍ରଣକୁ ଭଲ ଭାବେ ଭର୍ତ୍ତି କରି ଦିଅନ୍ତୁ। ମିଶ୍ରଣ ଭର୍ତ୍ତି କରିବା ପରେ ତା ଉପରେ ଆଉ ଏକ ପାଉଁରୁଟି ରଖନ୍ତୁ। ବର୍ତ୍ତମାନ ଗ୍ୟାସ ଲଗାଇ ଏକ ତାୱା ବସାଇ ଗରମ କରନ୍ତୁ। ସେଥିରେ ତେଲ ପକାନ୍ତୁ। ତେଲ ଗରମ ହୋଇଗଲା ପରେ ସେଥିରେ ପାଉଁରୁଟିକୁ ରଖି ସେକନ୍ତୁ। କିଛି ସମୟ ପାଉଁରୁଟି ସେକିବା ପରେ ତା ଉପରେ ବଟର ପକାଇ ଦୁଇ ପାର୍ଶ୍ବ ଭଲ ଭାବେ ସେକି ଦିଅନ୍ତୁ। ପାଉଁରୁଟି ହାଲକା ସୁନେଲୀ ରଙ୍ଗ ହୋଇଗଲା ପରେ ତାକୁ ଏକ ପାତ୍ରକୁ କାଢି ଦିଅନ୍ତୁ।
ପ୍ରସ୍ତୁତ ହୋଇଗଲା ଆପଣଙ୍କ ସୁଜି ଦହି ସ୍ୟାଣ୍ଡୱିଚ୍। ଏହାକୁ ଟମାଟୋ ସସ୍ ଓ ଚିଲ୍ଲି ସସ୍ ସହ ଖାଆନ୍ତୁ।
