ଏଏନ-୩୨ର ଭଗ୍ନାଂଶ ମିଳିବା ପରେ ବାୟୁସେନାର ବଡ଼ ଧରଣର ସର୍ଚ୍ଚ ଅପରେଶନ ଆରମ୍ଭ

0
185
Image courtesy: Hindustan times

ଇଟାନଗର: ଗତ ୩ ତାରିଖରେ ନିଖୋଜ ହୋଇଥିବା ବାୟୁସେନା ବିମାନ ଏଏନ-୩୨ର ଭଗ୍ନାଂଶ ଠାବ ହେବା ପରେ ବାୟୁସେନା ପକ୍ଷରୁ ବଡ଼ ଧରଣର ସର୍ଚ୍ଚ ଅପରେଶନ ଆରମ୍ଭ ହୋଇଛି। ବିମାନଟି ଦୁର୍ଘଟଣାଗ୍ରସ୍ତ ହେବା ପରେ ଯେଉଁ ଅଞ୍ଚଳରୁ ଭଗ୍ନାଂଶ ମିଳିଛି ସେହି ଅଞ୍ଚଳରେ ସର୍ଚ୍ଚ ଅପରେଶନ କରାଯାଉଛି। ବିମାନରେ ଥିବା ସଦସ୍ୟମାନଙ୍କୁ ମଧ୍ୟ ଠାବ କରିବା ଲାଗି ଉଦ୍ୟମ ଚାଲିଛି। ସର୍ଚ୍ଚ ଅପରେଶନରେ କେତେକ ଏମଆଇ-୧୭ ଏବଂ ସେନାର ଏଏଲଏଚ ହେଲିକପ୍ଟର ସାମିଲ ହୋଇଛି ବୋଲି ପ୍ରତିରକ୍ଷା ଲୋକସମ୍ପର୍କ ଅଧିକାରୀ ୱିଙ୍ଗ କମାଣ୍ଡର ରତ୍ନାକର ସିଂହ ସୂଚନା ଦେଇଛନ୍ତି।

ନିଖୋଜ ବିମାନର ଭଗ୍ନାଂଶ ଯେଉଁ ସ୍ଥାନରେ ଠାବ କରାଯାଇଛି ତାହା ସି ୟୋମି ଜିଲାର ପାୟୁମ ରିଜିଅନ ଅନ୍ତର୍ଗତ ଗାଟେର ୧୨ରୁ ୧୫ କିଲୋମିଟର ପଶ୍ଚିମ ଏବଂ ଲିପୋର ୧୬ କିଲୋମିଟର ଉତ୍ତରରେ ଅବସ୍ଥିତ ବୋଲି ଚିହ୍ନଟ କରାଯାଇଛି। ମଙ୍ଗଳବାର ଅପରାହ୍ନରେ ଭାରତୀୟ ବାୟୁସେନା, ସେନା ଏବଂ ପ୍ରଶାସନ ପକ୍ଷରୁ ଆକାଶମାର୍ଗରେ ମିଳିତ ଅପରେଶନ ଚାଲିଥିବାବେଳେ ଏହି ଭଗ୍ନାଂଶ ଠାବ କରାଯାଇଛି। ତେବେ ଯଦିଓ ଭଗ୍ନାଂଶ ଠାବ ହୋଇଛି, ବିମାନରେ ଥିବା ୧୩ ସଦସ୍ୟଙ୍କ ସମ୍ପର୍କରେ କୌଣସି ସୂଚନା ମିଳିନାହିଁ।