ନିଜ ଆଗାମୀ ଚଳଚ୍ଚିତ୍ର ‘ଭାରତ’ର ଶେଷ ପର୍ଯ୍ୟାୟ ସୁଟିଂରେ ବଲିଉଡର ସୁଲତାନ୍ ସଲମାନ୍ ଖୁବ୍ ବ୍ୟସ୍ତ ଅଛନ୍ତି। ଇଉରୋପର ବିଭିନ୍ନ ପ୍ରାନ୍ତ ପରେ ମୁମ୍ବଇରେ ସୁଟିଂ ଶେଷ କରି ଏବେ ପୂରା ଟିମ୍ ଆବୁଧାବିରେ ୯ଦିନିଆର ସୁଟିଂରେ ବ୍ୟସ୍ତ ଅଛନ୍ତି। ସେଠାରେ କେତେକ ଆକ୍ସନ୍ ଦୃଶ୍ୟ ସୁଟିଂ ହେବ ବୋଲି ଜଣାପଡ଼ିଛି। ଅଭିନେତ୍ରୀ କ୍ୟାଟ୍ରିନା କେଫ୍ ମଧ୍ୟ ସଲମାନ୍ଙ୍କ ସହ ଯୋଗ ଦେଇଥିବାର ପ୍ରକାଶ। ଏହି ଚଳଚ୍ଚିତ୍ରର ସୁଟିଂ ପରେ ସଲମାନ୍ ୨ ମାସର ବିରତି ନେଇ ମା’ ସଲମା ଖାନ୍ଙ୍କ ମାଳଦ୍ବୀପ ଛୁଟି କାଟିବାକୁ ଯିବେ ବୋଲି ତାଙ୍କ ପରିବାରର ଜଣେ ସଦସ୍ୟ କହିଛନ୍ତି। ସଲମାନଙ୍କ ମା’ ଖୁବ୍ ଭ୍ରମଣପ୍ରିୟ। ପୁଅ ମଧ୍ୟ ମା’ଙ୍କ ଭଲମନ୍ଦ ବାବଦରେ ଖୁବ୍ ସଚେତନ। ବଲିଉଡର ଫାଷ୍ଟ ଲେଡି ଭାବେ ଜଣାଯାଉଥିବା କ୍ରିଷ୍ଣା ରାଜ୍ କପୁରଙ୍କ ମୃତ୍ୟୁରେ ସଲମାନ୍ ଶୋକ ପ୍ରକାଶ କରିବା ସହ ସେ ମୁମ୍ବଇରେ ନଥିବା କାରଣରୁ ତାଙ୍କ ବାପା ସଲିମ୍ ଖାନ୍ ଏଇ କାର୍ଯ୍ୟରେ ଯୋଗ ଦେଇଥିଲେ।
