ଭୁବନେଶ୍ୱର: ସାମୁଦ୍ରିକ ଝଡ ଫୋନି ପ୍ରଭାବରେ ଭୁବନେଶ୍ୱର, ପୁରୀ ଓ କଟକର ବିଦ୍ୟୁତ ସରବରାହ ବ୍ୟବସ୍ଥା ବିଶେଷଭାବେ ପ୍ରଭାବିତ ହୋଇଛି। ପୁରୀ ଜିଲ୍ଲାରେ ବିଦ୍ୟୁତ ସରବରାହ ବ୍ୟବସ୍ଥା ସ୍ୱାଭାବିକ କରିବା ପାଇଁ ଏକମାସ ସମୟ ଲାଗିବ ବୋଲି ବିଦ୍ୟୁତ ବିଭାଗ ପକ୍ଷରୁ ସୂଚନା ଦିଆଯାଇଥିବା ବେଳେ କଟକ ଓ ଭୁବନେଶ୍ୱରର କେତେକ ଅଞ୍ଚଳରେ ବୁଧବାର ବିଦ୍ୟୁତ ସଂଯୋଗ ଦିଆଯାଇଛି। ଭୁବନେଶ୍ୱରରେ ୪୮ରୁ ୭୨ଘଣ୍ଟା ମଧ୍ୟରେ ବିଦ୍ୟୁତ ସରବରାହ ସ୍ୱାଭାବିକ ହେବ ବୋଲି ଓପିଟିସିଏଲ୍ କହିଛି।
ଫୋନି ପ୍ରଭାବରେ ପାୱାର ଗ୍ରୀଡ୍ କର୍ପୋରେସନର ଏକ ୪୦୦ କେଭି ଟାୱାର ଭାଙ୍ଗି ଓପିଟିସିଏଲ୍ର ୪୦୦କେଭି ଟାୱାର ଉପରେ ପଡିଛି। ଓପିଟିସିଏଲ୍ର ଅନ୍ୟ ଏକ ୨୦୦କେଭି ଟାୱାର ମଧ୍ୟ କ୍ଷତିଗ୍ରସ୍ତ ହୋଇଛି। ନୂଆ ଟାୱାର ତିଆରି କରିବା ପାଇଁ ସମୟ ଲାଗିବଏବଂ ମରାମତି ଓ ବିଦ୍ୟୁତ କାର୍ଯ୍ୟ ବାଧାପ୍ରାପ୍ତ ହେବାକୁ ଥିବାରୁ ବିକଳ୍ପ ବ୍ୟବସ୍ଥା ସ୍ୱରୂପ ଚନ୍ଦକା ଗ୍ରୀଡରୁ ଭୁବନେଶ୍ୱରକୁ ବିଦ୍ୟୁତ ଯୋଗାଇ ଦେବା ପାଇଁ ଚେଷ୍ଟା ଚାଲିଛି ବୋଲି ଓପିଟିସିଏଲ୍ ପକ୍ଷରୁ ସୂଚନା ମିଳିଛି।
