କେରଳରେ ବେସରକାରୀ ଓ ଅନୁଦାନ ପାଉ ନ ଥିବା ଶିକ୍ଷୟିତ୍ରୀଙ୍କୁ ମିଳିବ ମାତୃତ୍ୱ କାଳୀନ ଛୁଟି

ତିରୁଅନନ୍ତପୁରମ୍ : କେରଳ ସରକାର ବେସରକାରୀ ସ୍କୁଲ୍‍ ଓ ଶିକ୍ଷାନୁଷ୍ଠାନ ତଥା ସରକାରୀ ସହାୟତା ପାଉନଥିବା ଶିକ୍ଷାନୁଷ୍ଠାନ ଗୁଡ଼ିକର ଶିକ୍ଷୟିତ୍ରୀମାନଙ୍କ ପାଇଁ  ପ୍ରସବ ସମୟରେ ମିଳୁଥିବା ଛୁଟି ପ୍ରଦାନ କରିବାକୁ ଘୋଷଣା କରିଛନ୍ତି । କେରଳ ସରକାରଙ୍କର ଏହି ନିଷ୍ପତ୍ତିକୁ କେନ୍ଦ୍ର ସରକାର ଅନୁମୋଦନ କରିଛନ୍ତି । ଫଳରେ ବେସରକାରୀ ଶିକ୍ଷାନୁଷ୍ଠାନ ଓ ସରକାରୀ ସହାୟତା ପାଉନଥିବା ଶିକ୍ଷାନୁଷ୍ଠାନଗୁଡ଼ିକର ଶିକ୍ଷୟିତ୍ରୀମାନେ ମାତୃତ୍ୱଲାଭ ସୁବିଧା ଆଇନ୍‍ର ପରିସର ଭୁକ୍ତ ହେବେ । ଏହି ସଂଶୋଧନ କାର୍ଯ୍ୟକାରୀ ହେବା ପରେ ବେସରକାରୀ ଶିକ୍ଷାନୁଷ୍ଠାନଗୁଡ଼ିକର ଶିକ୍ଷୟିତ୍ରୀମାନଙ୍କୁ ମାତୃତ୍ୱ କାଳୀନ ଛୁଟି ପ୍ରଦାନ କରିବାରେ କେରଳ ଦେଶର ପ୍ରଥମ ରାଜ୍ୟ ହେବ । ଏହି ଆଇନ୍‍ ଅନୁସାରେ ଜଣେ ଶିକ୍ଷୟିତ୍ରୀ ସନ୍ତାନ ପ୍ରସବ ଓ ତା’ର ର ଯତ୍ନ ନେବା ପାଇଁ ୨୬ ସପ୍ତାହର ଛୁଟି ପାଇପାରିବେ ଏବଂ ଏଥିପାଇଁ ତାଙ୍କୁ ସେହି ସମୟ ଲାଗି ସମ୍ପୂର୍ଣ୍ଣ ବେତନ ମିଳିବ । ଏହା ବ୍ୟତୀତ ନିଯୁକ୍ତିଦାତା ସମ୍ପୃକ୍ତ ଶିକ୍ଷୟିତ୍ରୀଙ୍କୁ ଚିକିତ୍ସାଭତ୍ତା ବାବଦରେ ଏକ ହଜାର ଟଙ୍କା ଦେବେ ।

Comments are closed.