‘ସାହୋ’କୁ ନେଇ ଚର୍ଚ୍ଚାରେ ପ୍ରଭାସ : ଜାଣନ୍ତୁ, ଚଳଚ୍ଚିତ୍ର ପିଛା କେତେ ପାରିଶ୍ରମିକ ଦାବି କରନ୍ତି!

0
1241
image courtesy-GreenMangoMore.com

ମୁମ୍ବଇ : ବାହୁବଳୀ ଷ୍ଟାର୍ ପ୍ରଭାସ ନିଜର ଆଗାମୀ ଚଳଚ୍ଚିତ୍ର ‘ସାହୋ’କୁ ନେଇ ଏବେ ଖୁବ୍ ଚର୍ଚ୍ଚାରେ ଅଛନ୍ତି। ଏହି ଚଳଚ୍ଚିତ୍ରରେ ପ୍ରଭାସଙ୍କ ବିପକ୍ଷରେ ନାୟିକା ସାଜିଛନ୍ତି ଶ୍ରଦ୍ଧା କପୁର। ୧୫ ଅଗଷ୍ଟରେ ପରଦାକୁ ଆସିବ ଏହି ଚଳଚ୍ଚିତ୍ର। ଏଥିରେ ଜବରଦସ୍ତ ଆକ୍ସନ୍ ସିନ୍ ରହିଛି। ନିକଟରେ ଆବୁଧାବୀରେ ଚଳଚ୍ଚିତ୍ରର ଏକ ଆକ୍ସନ୍ ସିନ୍ ଶୁଟ୍ ହୋଇଥିଲା ଓ ଏହି ସିନ୍ କୁ ଶୁଟ୍ କରିବା ପାଇଁ ୯୦ କୋଟି ଟଙ୍କା ଖର୍ଚ୍ଚ ହୋଇଥିବା ଜଣାପଡ଼ିଛି। ମିଳିଥିବା ଖବର ଅନୁସାରେ, ଏହି ଚଳଚ୍ଚିତ୍ରର ବଜେଟ୍ ପ୍ରାୟ ୩୦୦ କୋଟି ରହିଛି। ତେବେ କ’ଣ ଆପଣ ଜାଣନ୍ତି, ପ୍ରଭାସ ଗୋଟିଏ ଚଳଚ୍ଚିତ୍ର ପାଇଁ କେତେ ଟଙ୍କା ନିଅନ୍ତି?

ତେଲୁଗୁ ଚଳଚ୍ଚିତ୍ର ‘ଈଶ୍ବର’ରୁ ନିଜ କ୍ୟାରିୟର ଆରମ୍ଭ କରିଥିବା ପ୍ରଭାସ ନିଜର ବଳିଷ୍ଠ ଅଭିନୟ ବଳରେ ଚଳଚ୍ଚିତ୍ର ଜଗତରେ ଏକ ବିଶେଷ ସ୍ଥାନ ଅଧିକାର କରିଛନ୍ତି। ସୂଚନା ଅନୁସାରେ, ଏହି ଅଭିନେତା ଗୋଟିଏ ଚଳଚ୍ଚିତ୍ର ପିଛା ଏବେ ୩୦ କୋଟି ଟଙ୍କା ଚାର୍ଜ କରୁଛନ୍ତି।

ତେବେ ଚଳଚ୍ଚିତ୍ର ‘ବାହୁବଳୀ’ ରାତାରାତି ପ୍ରଭାସଙ୍କ ଚାହିଦା ବଢାଇ ଦେଇଥିଲା। ‘ବାହୁବଳୀ’ ପାଇଁ ପ୍ରଭାସଙ୍କୁ ୨୫ କୋଟି ପାରିଶ୍ରମିକ ମିଳିଥିଲା। କିନ୍ତୁ ଏବେ ସେ ତାଙ୍କ ପାରିଶ୍ରମିକ ବଢାଇ ଦେଇଛନ୍ତି।

LEAVE A REPLY

Please enter your comment!
Please enter your name here