ସାବଧାନ! ସ୍ୱାଦିଷ୍ଟ ଆଳୁ ହୋଇପାରେ ସ୍ୱାସ୍ଥ୍ୟ ପାଇଁ ହାନିକାରକ

0
302

ଖୁବ୍‍ କମ୍‍ ବ୍ୟଞ୍ଜନ ଅଛି ଯେଉଁଥିରେ କି ଆଳୁ ପଡ଼ି ନଥାଏ। ପିଲାଠାରୁ ବୟସ୍କ ଆଳୁ ସମସ୍ତଙ୍କର ବହୁତ ପସନ୍ଦ ହୋଇଥାଏ। ପ୍ରାୟ ସମସ୍ତ ତରକାରୀରେ ଆଳୁ ପକାଯାଇଥାଏ। ତେଣୁ କୁହାଯାଏ ଯେ ଆଳୁ ବିନା ତରକାରୀ ଅଧା ହୋଇଥାଏ। ହେଲେ ଏହି ଆଳୁ ବହୁତ ରୋଗର କାରଣ ସାଜିପାରେ। ତେବେ ଚାଲନ୍ତୁ ଜାଣିବା ଆଳୁ ଖାଇବା ଦ୍ୱାରା ଆମର କ’ଣ କ୍ଷତି ହୋଇଥାଏ –
ଅମ୍ଳ :
ପ୍ରତ୍ୟେକ ଦିନ ଆଳୁ ଖାଉଥିବା ବ୍ୟକ୍ତିଙ୍କର ଗ୍ୟାସ୍‍ ବା ଅମ୍ଳ ବୃଦ୍ଧି ହେବାର ଆଶଙ୍କା ଅଧିକ ଥାଏ, ତେଣୁ ଖାଦ୍ୟରେ ଆଳୁର ବ୍ୟବହାର କମ୍‍ କରନ୍ତୁ।
ଶର୍କରାରେ ଭରପୁର :
ଯଦି ଆପଣଙ୍କ ରକ୍ତରେ ଶର୍କରା ପରିମାଣ ଅଧିକ ରହିଛି, ତେବେ ଆଳୁ ବିଲ୍‍କୁଲ୍‍ ହି ଭୁଲିଯାଆନ୍ତୁ। ଆଳୁରେ ଗ୍ଲାଇସେମିକ୍‍ ଇଣ୍ଡେକ୍ସ ରହିଥାଏ, ଯାହାଦ୍ୱାରା ଶରୀରରେ ଗ୍ଲୁକୋଜ୍‍ର ମାତ୍ରା ବୃଦ୍ଧି ପାଇଥାଏ। ରକ୍ତରେ ଶର୍କରାର ମାତ୍ରା କମ୍‍ କରିବା ପାଇଁ ଆଳୁ ଖାଇବା ବନ୍ଦ କରିଦିଅନ୍ତୁ।
ରକ୍ତଚାପ :
ଆଳୁ ଆପଣଙ୍କ ରକ୍ତଚାପରେ ପ୍ରଭାବ ପକାଇଥାଏ। ଏହା ଉଚ୍ଚ ରକ୍ତଚାପର ଆଶଙ୍କା ବଢାଇଥାଏ। ଗବେଷଣାରୁ ଜଣାପଡ଼ିଛି ସପ୍ତାହକୁ ୪ ଥର କିମ୍ବା ତା’ଠାରୁ ଅଧିକ ଆଳୁ ଖାଇବା ଦ୍ୱାରା ଉଚ୍ଚ ରକ୍ତଚାପ ହେବାର ସମ୍ଭାବନା ଅଧିକ ଥାଏ।
ମେଦ ବୃଦ୍ଧି :
ଏହା ସମସ୍ତେ ଜାଣନ୍ତି ଯେ ଆଳୁ ଓଜନ ବଢାଇବାରେ ସାହାଯ୍ୟ କରିଥାଏ। ଏହା ସେମାନଙ୍କ ପାଇଁ ବହୁ ଲାଭଦାୟକ ହୋଇଥାଏ ଯେଉଁମାନେ ନିଜ ଓଜନ ବଢାଇବାକୁ ଚାହିଁ ଥାଆନ୍ତି। ହେଲେ ଯଦି ଆପଣ ପତଳା ହେବା ପାଇଁ ଚାହୁଁଛନ୍ତି ତେବେ ଆଳୁର ସେବନ କମ୍‍ କରନ୍ତୁ। ଅଧିକ ଆଳୁ ଖାଇବା ଦ୍ୱାରା ଚର୍ବି ବା ମୋଟାପଣ ବୃଦ୍ଧି ହୋଇଥାଏ।

LEAVE A REPLY

Please enter your comment!
Please enter your name here