୨୦ ଦିନ ଦେଶକୁ ଚଳାଇପାରିବେ ମୁକେଶ ଅମ୍ବାନୀ

୨୦ ଦିନ ଦେଶକୁ ଚଳାଇପାରିବେ ମୁକେଶ ଅମ୍ବାନୀ

Copy Editor RKD | Published On: Feb 13, 2018 09:22 PM IST | Updated On: Feb 13, 2018 09:23 PM IST |   1060

ନୂଆଦିଲ୍ଲୀ : ବିଶ୍ୱର ଧନୀ ବ୍ୟକ୍ତିମାନେ ବ୍ୟକ୍ତିଗତ ଭାବେ ନିଜ ଦେଶକୁ କେତେଦିନ ଚଳାଇପାରିବେ ? ବୋଲି ଏକ ପ୍ରଶ୍ନର ଉତ୍ତର ଖୋଜି ବାହାର କରିଛି ରବିନ ହୁଡ଼ ସୂଚକାଙ୍କ । ଏହି ସୂଚକାଙ୍କ ପ୍ରସ୍ତୁତ କରିବା ପାଇଁ ୪୯ଟି ଦେଶର ଜନସଂଖ୍ୟା, ସେମାନଙ୍କ ଖର୍ଚ୍ଚ, ଦେଶଗୁଡ଼ିକର ଧନୀ ବ୍ୟକ୍ତିମାନଙ୍କୁ ନେଇ ଏକ ଅନୁଧ୍ୟାନ କରାଯାଇଥିଲା । ଏହି ସୂଚକାଙ୍କ ଅନୁସାରେ ଭାରତର ମୁକେଶ ଅମ୍ବାନୀ ନିଜ ସମ୍ପତ୍ତି ୪୦.୩ କୋଟି ଶହ ଡଲାର ବିନିଯୋଗରେ ୨୦ ଦିନ ପର୍ଯ୍ୟନ୍ତ ଦେଶକୁ ଚଳାଇପାରିବେ । ଆମେରିକାର ଜେଫ ବେଜୋସ ୯୯ ଶହ କୋଟି ଡଲାର ବିନିଯୋଗରେ ୫ ଦିନ, ସ୍ପେନର ଆମାନସିଓ ଓରଟେଗା ୭୫.୩ ଶହ କୋଟି ଡଲାର ଖର୍ଚ୍ଚରେ ୪୮ ଦିନ, ଫ୍ରାନ୍ସର ବେରନାର୍ଡ ଆର୍ନୋଲ୍ଟ ୬୩.୩ ଶହ କୋଟି ଡଲାର ଖର୍ଚ୍ଚରେ ୧୫ ଦିନ, ମେକ୍ସିକୋର କାରଲୋସ ସ୍ଲିମ୍‌ ନିଜର ୬୨.୮ ଶହ କୋଟି ଡଲାର ଦ୍ୱାରା ୮୨ ଦିନ, ଚୀନର ଜାକ ମା ୪୫.୫ ଶହ କୋଟି ଡଲାର ସମ୍ପତ୍ତିରେ ୪ ଦିନ, ହଂକଂର ଜି କା ସିଙ୍ଗ ୩୪.୭ ଶହ କୋଟି ଡଲାର ବିନିଯୋଗରେ ୧୯୧ ଦିନ, ବ୍ରାଜିଲର ଜର୍ଜ ପାଉଲୋ ଲେମାନ ୨୯.୬ ଶହ କୋଟି ଡଲାରରେ ୧୩ ଦିନ, ଇଟାଲିର ଜିଓଭାନି ଫେରାରୋ ଏବଂ ପରିବାର ୨୪.୫ ଶହ କୋଟି ଡଲାରରେ ୯ ଦିନ, ଜର୍ମାନୀର ଡିଏଟେର ସ୍କିୱାର୍ଜ ୨୪.୩ ଶହ କୋଟି ଡଲାର ବିନିଯୋଗରେ ୫ ଦିନ ପର୍ଯ୍ୟନ୍ତ ନିଜ ଦେଶର ସରକାରକୁ ଚଳାଇ ପାରିବେ। ଯଦି ଏହି ଦେଶଗୁଡ଼ିକର ଆୟ ଉତ୍ସ ଭୁଶୁଡି ପଡେ ତେବେ ଧନୀ ଲୋକମାନେ କେତେଦିନ ପର୍ଯ୍ୟନ୍ତ ସେମାନଙ୍କ ଧନରେ ସରକାର ଚଳାଇ ପାରିବେ ବୋଲି ଏକ ପରିକଳ୍ପନାର ପରୀକ୍ଷା କରାଯାଇଥିଲା । ଏହି ସୂଚକାଙ୍କ ଅନୁସାରେ ସାଇପ୍ରସର ଜନ ଫେଡ୍ରିକସେନ ୨୩.୬ ନିୟୁତ ଡଲାରରେ ନିଜ ଦେଶର ସରକାରଙ୍କୁ ସର୍ବାଧିକ ୪୪୧ ଦିନ ପରିଚାଳନା କରିପାରିବେ । ତୁଳନା ଅନୁସାରେ ଜାପାନ, ପୋଲାଣ୍ଡ, ଆମେରିକା ଓ ଚୀନ ସବୁଠି ବ୍ୟୟବହୁଳ ରାଷ୍ଟ୍ରଭାବେ ପରିଗଣିତ ହୋଇଛନ୍ତି । ବିଶ୍ୱର ୧୬ଶ ଧନୀ ବ୍ୟକ୍ତି ଜାକ ମା ଚୀନର କମ୍ୟୁନିଷ୍ଟ ସରକାରକୁ ମାତ୍ର ୪ ଦିନ ଚଳାଇପାାରିବେ ।

Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।