ସ୍ମିଥ୍‌ଙ୍କୁ ଆଲାନ୍‌ ବର୍ଡର ପଦକ

.

Copy Editor RRM | Published On: Feb 13, 2018 01:48 AM IST |   175

ମେଲବୋର୍ଣ୍ଣ: ଅଷ୍ଟ୍ରେଲିଆ କ୍ରିକେଟ୍‌ ଦଳର ଅଧିନାୟକ ଷ୍ଟିଭେନ୍‌ ସ୍ମିଥ୍‌ଙ୍କୁ ମିଳିଛି ସମ୍ମାନଜନକ ଆଲାନ ବର୍ଡର ପଦକ । ବିଗତ ୧୨ ମାସରେ ସ୍ମିଥ୍‌ ଉଭୟ ଦିନିକିଆ ଓ ଟେଷ୍ଟରେ ୨୪ଟି ଅନ୍ତର୍ଜାତୀୟ ମ୍ୟାଚ୍‌ ଖେଳି ୬୪.୪୬ ହାରରେ ୧୭୫୪ ରନ୍‌ ସଂଗ୍ରହ କରିଥିବାରୁ ତାଙ୍କୁ ଏହି ପଦକ ମିଳିଛି । ପୂର୍ବରୁ ୨୦୧୫ରେ ସ୍ମିଥ୍‌ ଏହି ପଦକ ହାସଲ କରିଥିଲେ ।
ଅଷ୍ଟ୍ରେଲିଆ ଦଳର ଉପଅଧିନାୟକ ଡେଭିଡ ୱାର୍ଣ୍ଣର ଓ ସ୍ପିନର ନାଥାନ୍‌ ଲିଅନ୍‌ଙ୍କୁ ପଛରେ ପକାଇ ସ୍ମିଥ ଏହି ପଦକ ପାଇଛନ୍ତି । ସ୍ମିଥ୍‌ଙ୍କୁ ୨୪୬ଟି ଭୋଟ୍‌ ମିଳିଥିବା ବେଳେ ୱାର୍ଣ୍ଣରଙ୍କୁ ୧୬୨ ଓ ଲିଅନ୍‌ଙ୍କୁ ୧୫୬ ଖଣ୍ଡ ଭୋଟ୍‌ ମିଳିଥିଲା । ସ୍ମିଥ୍‌ଙ୍କ ନେତୃତ୍ୱରେ ଅଷ୍ଟ୍ରେଲିଆ ଏକ ସଂଘର୍ଷପୂର୍ଣ୍ଣ ସିରିଜ୍‌ରେ ଭାରତଠାରୁ ହାରିଥିବା ବେଳେ ବାଂଲାଦେଶ ବିରୋଧରେ ସିରିଜ୍‌ ଅମୀମାସିଂତ ରଖିଥିଲା । ସେହିପରି ଏହି ଦଳ ଇଂଲଣ୍ଡକୁ ଆସେସ୍‌ ସିରିଜ୍‌ରେ ୪-୦ରେ ପରାସ୍ତ କରିଥିଲା । ସୂଚନାଥାଉକି ରିକି ପଣ୍ଟିଂ ୨୦୦୪, ୨୦୦୬, ୨୦୦୭ ଓ ୨୦୦୯, ମାଇକେଲ୍‌ କ୍ଲାର୍କ ୨୦୦୫, ୨୦୦୯ ଓ ୨୦୧୨, ୨୦୧୩, ସେନ୍‌ ୱାଟସନ୍‌ ୨୦୧୦, ୨୦୧୧ ଏବଂ ଡେଭିଡ ୱାର୍ଣ୍ଣର ୨୦୧୬, ୨୦୧୭ରେ ଆଲାନ୍‌ ବର୍ଡର ପଦକ ହାସଲ କରିଥିଲେ । ସେହିପରି ମହିଳା ଅଲରାଉଣ୍ଡର ଏଲିସେ ପେରୀଙ୍କୁ ଦ୍ୱିତୀୟଥର ପାଇଁ ବେଲିଣ୍ଡା କ୍ଲାର୍କ ପୁରସ୍କାର ମିଳିଛି । ପୂର୍ବରୁ ୨୦୧୬ରେ ମଧ୍ୟ ପେରୀ ଏହି ପୁରସ୍କାର ହାସଲ କରିଥିଲେ ।

Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।