ଦିନାକରନ୍‌ଙ୍କ ବିରୁଦ୍ଧରେ ନିର୍ବାଚନୀ ମାମଲା ଖାରଜ

ଆର୍‌.କେ ନଗର ବିଧାନସଭା ଉପନିର୍ବାଚନ ମାମଲା

Copy Editor AH | Published On: Jan 10, 2018 06:17 PM IST |   255


ଚେନ୍ନଇ: ତାମିଲ୍‌ନାଡ଼ୁର ଆର୍‌.କେ  ନଗର ବିଧାନସଭା ଉପନିର୍ବାଚନରେ ବିଜୟୀ ହୋଇଥିବା ଟି.ଟି.ଭି ଦିନାକରନ୍‌ଙ୍କ ବିଜୟକୁ ଅବୈଧ ଘୋଷଣା କରିବା ପାଇଁ ମାଡ୍ରାସ୍‌ ହାଇକୋର୍ଟରେ ଦାଖଲ ହୋଇଥିବା ଏକ ଆବେଦନକୁ ଖାରଜ କରି ଦେଇଛନ୍ତି । ପ୍ରବଳ ଅର୍ଥ ବ୍ୟୟ ଏବଂ ଲୋକଙ୍କୁ ପ୍ରଲୋଭିତ କରି ସେ ନିର୍ବାଚନରେ ବିଜୟ ହୋଇଥିବା ଜନସ୍ୱାର୍ଥ ମାମଲାରେ ଅଭିଯୋଗ କରାଯାଇଥିଲା । କିନ୍ତୁ ମୁଖ୍ୟ ବିଚାରପତି ଇନ୍ଦିରା ବାନାର୍ଜୀ କହିଥିଲେ, ଯେହେତୁ ନିର୍ବାଚନ ସମ୍ପୂର୍ଣ୍ଣ ହୋଇସାରିଛି, ଅଦାଲତ ଆଉ ଏଥିରେ ହସ୍ତକ୍ଷେପ କରିପାରିବେ ନାହିଁ । ଏହାକୁ ଏକ ଜନସ୍ୱାର୍ଥ ମାମଲା ଭାବେ ଗ୍ରହଣ କରିବାକୁ ମନା କରି ଏ ସଂକ୍ରାନ୍ତରେ ନିର୍ବାଚନ କମିଶନଙ୍କ ଦ୍ୱାରସ୍ଥ ହେବାକୁ କୋର୍ଟ ଆବେଦନକାରୀଙ୍କୁ କହିଥିଲେ ।


ସୁଚନା ଯୋଗ୍ୟ ଯେ ନିକଟରେ ଶେଷ ହୋଇଥିବା ବିଧାନସଭା ଉପନିର୍ବାଚନରେ ଦୀର୍ଘ ଦିନ ଧରି ଏଆଇଏଡିଏମ୍‌କେ ଦଖଲରେ ଥିବା ଆର୍‌.କେ.ନଗର ଆସନରୁ ଦଳର ବିଦ୍ରୋହୀ ନେତା ଟି.ଟି.ଭି. ଦୀନାକରନ୍‌ ବିଜୟୀ ହୋଇଥିଲେ । ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ବିୟୋଗ ପରେ ଏହି ଆସନ ଖାଲି ପଡିଥିଲା ।

Tags:

Like Us

Breaking News

ହଜ ପାଇଁ ସବସିଡି ବନ୍ଦ କଲେ କେନ୍ଦ୍ର ସରକାର ଜୟପୁର: ପ୍ରବୀଣ ତୋଗାଡିଆଙ୍କ ସମ୍ବାଦିକ ସମ୍ମିଳନୀ, ‘କହିଲେ ମୋ କଣ୍ଠରୋଧ କରିବାକୁ ଚେଷ୍ଟା କରାଯାଉଥିଲା’ ଆଫଗାନିସ୍ତାନ: କାବୁଲସ୍ଥିତ ଭାରତୀୟ ଦୂତାବାସ ଉପରକୁ ରକେଟ ମାଡ଼, ସାମାନ୍ୟ କ୍ଷୟକ୍ଷତି ସୂଚନା ସେଞ୍ଚୁରିଅନ୍‌ : ଭାରତ- ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ୨ୟ ଟେଷ୍ଟର ୩ ଦିନ, ମ୍ୟାଚରେ ବର୍ଷା ବାଧକ, ଖେଳ ବିଳମ୍ବ, ଦ୍ବିତୀୟ ଇନଂସରେ ଦକ୍ଷିଣ ଆଫ୍ରିକା ୬୮/୨।