ପୃଥିବୀର ରକ୍ଷା ପାଇଁ ବହୁତ୍‌ କମ ସମୟ ଅଛି : ବୈଜ୍ଞାନିକ ସମୂହ

ପୃଥିବୀର ରକ୍ଷା ପାଇଁ ବହୁତ୍‌ କମ ସମୟ ଅଛି : ବୈଜ୍ଞାନିକ ସମୂହ

Copy Editor RKD | Published On: Nov 15, 2017 06:48 AM IST | Updated On: Nov 15, 2017 06:53 AM IST |   4031

ମେଲବର୍ଣ୍ଣ : ପୃଥିବୀକୁ ରକ୍ଷା କରିବା ପାଇଁ ବହୁତ୍‌ କମ ସମୟ ଅଛି ବୋଲି ବିଶ୍ୱର ଏକ ବଡ଼ ବୈଜ୍ଞାନିକ ସମୂହ ଚେତାବନୀ ଦେଇଛନ୍ତି । ତୁରନ୍ତ କିଛି କରାନଗଲେ ପୃଥିବୀକୁ ଏକ ବଡ଼ଧରଣର ବିନାଶର ଶିକାର ହେବାକୁ ପଡ଼ିବ ବୋଲି ବୈଜ୍ଞାନିକମାନେ କହିଛନ୍ତି । ବୁଧବାର ଦିନ ବିଶ୍ୱର ୧୮୪ ଦେଶର ପ୍ରାୟ ୧୫ ହଜାର ବୈଜ୍ଞାନିକ ବାୟୋସାଇନ୍ସ ଜର୍ଣ୍ଣାଲ ଆଣ୍ଡ ଆର୍ଟିକିଲ୍‌ ‘ୱାର୍ଲ୍ଡ ସାଇଣ୍ଟିଷ୍ଟ ୱାର୍ଣ୍ଣିଂ ଟୁ ଦି ହ୍ୟୁମାନିଟି : ଏ ସେକେଣ୍ଡ ନୋଟିସ’ ଶୀର୍ଷକ ଉପରେ ଦସ୍ତଖତ କରିଥିଲେ । ପୃଥିବୀକୁ ନେଇ ଏହା ବିଶ୍ୱର ସବୁଠାରୁ ବଡ଼ ସମ୍ମିଳନୀ । ପ୍ରଧ୍ୟାପକ ୱିଲିୟମ ରିପେଲ ବାୟୋସାଇନ୍ସର ସ୍ତମ୍ଭରେ ଲେଖିଛନ୍ତି ଯେ ପୃଥିବୀକୁ ବଞ୍ଚାଇବା ପାଇଁ ଲୋକଙ୍କୁ ଦ୍ୱିତୀୟ ନୋଟିସ୍‌ ଦିଆଯାଇସାରିଛି । ଏଥିପାଇଁ ଆମକୁ ପ୍ରତିଦିନର ଦିନଚର୍ଯ୍ୟାକୁ ବଦଳାଇବାକୁ ପଡ଼ିବ । ବୈଜ୍ଞାନିକଙ୍କ କହିବାନୁଯାୟୀ ପୃଥିବୀ ପାଇଁ ଅନେକ ଆହ୍ୱାନ ରହିଛି । ଗଛ କଟା, ଓଜନ ବାୟୁସ୍ତରରେ ରନ୍ଧ୍ର ଓ ଜଳବାୟୁ ପରିବର୍ତ୍ତନକୁ ନେଇ ୨୫ ବର୍ଷ ପୂର୍ବରୁ ଚେତାବନୀ ଦିଆସାରିଛି । ଆଜି ଏହିସବୁ ଆହ୍ୱାନକୁ ଅଧ୍ୟୟନ କରାଯିବା ପରେ ଜଣାପଡିଥିଲା ଯେ ଏବେ ଅବସ୍ଥା ଅଧିକ ଖରାପ ହୋଇଯାଇଛି । ବିଶୁଦ୍ଧ ଜଳ ୨୬% ହ୍ରାସ ପାଇଛି । ୩୦୦ ନିୟୁତ ଏକର ଜଂଗଲ କଟାଯାଇସାରିଛି । ଏହି ୨୫ ବର୍ଷ ମଧ୍ୟରେ ସ୍ତନ୍ୟପାୟୀ ଜୀବ ଏବଂ ପକ୍ଷୀ ୨୯% ହ୍ରାସ ପାଇଛନ୍ତି । ମହାସଗରର ଡେଡ ଜୋନ (ମୃତ ଅଞ୍ଚଳ)ରେ ୭୫% ବୃଦ୍ଧି ଘଟିଛି । ଗବେଷଣା ସ୍ତମ୍ଭରେ ଉଲ୍ଲେଖ କରାଯାଇଛି ଯେ ଏବେ ଅବସ୍ଥା ଖରାପ ରହିଛି । କିନ୍ତୁ ଏହାକୁ ଠିକ୍‌ କରାଯାଇପାରିବ । ଜନସଂଖ୍ୟା ବୃଦ୍ଧିକୁ ଯଦି ରୋକାଯାଇପାରିବ, ଆମିଷ ବଦଳରେ ନିରାମିଷ ଖାଇବା ପାଇଁ ଅଭ୍ୟାସ ସୃଷ୍ଟି କରାଯିବ, ସୌରଶକ୍ତିର ବ୍ୟବହାର କରାଯାଏ ତେବେ ଏକ ବଡ଼ଧରଣର ବିପଦରୁ ପୃଥିବୀକୁ ରକ୍ଷା କରାଯାଇପାରିବ ।
Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।