ଆତଙ୍କବାଦର ମୁଳୋତ୍ପାଟନ ପାଇଁ ଆସିଆନର ମିଳିତ ଉଦ୍ୟମ ଲୋଡ଼ିଲେ ମୋଦି

ଆତଙ୍କବାଦର ମୁଳୋତ୍ପାଟନ ପାଇଁ ଆସିଆନର ମିଳିତ ଉଦ୍ୟମ ଲୋଡ଼ିଲେ ମୋଦି

Copy Editor RKD | Published On: Nov 15, 2017 01:45 AM IST | Updated On: Nov 15, 2017 01:47 AM IST |   548

ମାନିଲା : ଆତଙ୍କବାଦୀ ଏବଂ ବିଚ୍ଛିନ୍ନତାବାଦୀଙ୍କୁ ଚିହ୍ନଟ କରି ଏହାର ମୁଳୋତ୍ପାଟନ କରିବା ପାଇଁ ମିଳିତ ଭାବେ କାର୍ଯ୍ୟ କରିବାକୁ ଫିଲିପାଇନ୍ସର ରାଜଧାନୀ ମାନିଲାଠାରେ ମଙ୍ଗଳବାର ଦକ୍ଷିଣପୂର୍ବ ଏସୀୟ ରାଷ୍ଟ୍ର ସଂଘ (ଆସିଆନ) ସମ୍ମିଳନୀର ରାଷ୍ଟ୍ର ସମୂହକୁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପଞ୍ଚଦଶତମ ଆସିଆନ ସମ୍ମିଳନୀରେ ଉଦ୍‌ବୋଧନ ଦେଇ ମୋଦି କହିଥିଲେ ଯେ ଆତଙ୍କବାଦୀ ଏବଂ ବିଚ୍ଛିନ୍ନତାବାଦୀଙ୍କ ସହ ଲଢେଇ ପାଇଁ ଆମେ ବ୍ୟକ୍ତିଗତ ଭାବେ କଠିନ କାର୍ଯ୍ୟ କରିଛୁ । ଏବେ ସମୟ ଆସିଛି ଆମେ ସବୁ ରାଷ୍ଟ ମିଳିତ ଭାବେ କାର୍ଯ୍ୟ କରି ଏଭଳି ଆହ୍ୱାନର ମୁକାବିଲା କରିବା । ଏଥିପାଇଁ ସବୁ ରାଷ୍ଟ୍ର ମଧ୍ୟରେ ସହଯୋଗର ଆବଶ୍ୟକତା ରହିଛି । ସେହିପରି ଆଞ୍ଚଳିକ ସୁରକ୍ଷା, ଅଞ୍ଚଳର ଶାନ୍ତିପୂର୍ଣ୍ଣ ବିକାଶ ଏବଂ ଆଞ୍ଚଳିକ ସ୍ୱାର୍ଥ ପାଇଁ ଭାାରତ ଆସିଆନକୁ ସମର୍ଥନ ଜାରି ରଖିବ ବୋଲି ମୋଦି ପ୍ରକାଶ କରିଥିଲେ । ଏହି ଅବସରରେ ମୋଦି ଭାରତର ଗଣତନ୍ତ୍ର ଦିବସ ପାଇଁ ଆସିଆନର ସଦସ୍ୟ ରାଷ୍ଟ୍ରର ନେତାଙ୍କୁ ଆମନ୍ତ୍ରଣ କରିଥିଲେ । ୧୯୬୭ରେ ଗଠିତ ଆସିଆନରେ ଥାଇଲାଣ୍ଡ, ଭିଏତନାମ, ଇଣ୍ଡୋନେସିଆ, ମାଲେସିଆ, ଫିଲିପାଇନ୍ସ, ସିଙ୍ଗାପୁରେ, ମିଅାଁମାର, କାମ୍ବୋଡିଆ, ଲାଓସ ଓ ବୃନି ସଦସ୍ୟ ଅଛନ୍ତି ।
Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।