ସୁପ୍ରିମକୋର୍ଟରେ ଓଡ଼ିଶା ସରକାରଙ୍କ ଗ୍ରାଣ୍ଟ-ଇନ୍‌-ଏଡ୍‌ ନୀତି କାଏମ୍‌

ସୁପ୍ରିମକୋର୍ଟରେ ଓଡ଼ିଶା ସରକାରଙ୍କ ଗ୍ରାଣ୍ଟ-ଇନ୍‌-ଏଡ୍‌ ନୀତି କାଏମ୍‌

Copy Editor RKD | Published On: Nov 15, 2017 12:13 AM IST |   1013

ନୂଆଦିଲ୍ଲୀ : ବ୍ଲକ୍‌ ଗ୍ରାଣ୍ଟ ଶିକ୍ଷକ ଓ ଅଧ୍ୟାପକମାନଙ୍କ ଦରମା ପ୍ରସଙ୍ଗରେ ଓଡ଼ିଶା ସରକାରଙ୍କ ଗ୍ରାଣ୍ଟ୍‌-ଇନ୍‌-ଏଡ୍‌ ନୀତି ୨୦୧୭କୁ ମଙ୍ଗଳବାର ସୁପ୍ରିମକୋର୍ଟ କାଏମ ରଖିଛନ୍ତି । ସର୍ବୋଚ୍ଚ ନ୍ୟାୟାଳୟରେ ରାଜ୍ୟ ସରକାର ଏକ ସତ୍ୟପାଠ ଦାଖଲ କରି ଏହି ନୀତିକୁ ୨୦୧୮ ଜାନୁୟାରୀ ପହିଲାରୁ ଲାଗୁ କରିବାକୁ ଯାଉଛନ୍ତି ବୋଲି ଉଲ୍ଲେଖ କରିଥିଲେ । ରାଜ୍ୟ ସରକାରଙ୍କ ନୂତନ ଅନୁଦାନ ନୀତି ୨୦୧୭କୁ ବିରୋଧ କରି ଏକାଧିକ ବିଦ୍ୟାଳୟର ଅନେକ ଶିକ୍ଷକ ଦରମାରେ ତାରତମ୍ୟତାକୁ ଚାଲେଞ୍ଜ କରି ଏହାକୁ ରଦ୍ଦ କରିବା ଲାଗି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ମଙ୍ଗଳବାର ଅଦାଲତ ଏହି ମାମଲା ଉପରେ ରାୟ ପ୍ରକାଶ କରିବା ସହିତ ରାଜ୍ୟ ସରକାରଙ୍କ ଏହି ଅନୁଦାନ ନୀତିକୁ କାଏମ ରଖିବା ସହ ଯେଉଁମାନେ ଚାହିଁବେ ଏହି ନୀତି ଆଧାରରେ ଦରମା ଗ୍ରହଣ କରିପାରିବେ ବୋଲି ସ୍ପଷ୍ଟ କରିଛନ୍ତି । ଅନ୍ୟପକ୍ଷରେ ଯେଉଁମାନେ ଏଭଳି ନୀତି ଦ୍ୱାରା ପ୍ରଭାବିତ ହେବା ଆଶଙ୍କା କରୁଛନ୍ତି ସେମାନେ ଉପଯୁକ୍ତ ଫୋରମରେ ଏନେଇ ଆବେଦନ କରିପାରିବେ ବୋଲି ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି । ଅର୍ଥାତ୍‌ ରାଜ୍ୟ ସରକାରଙ୍କ ଏହି ନୂତନ ଅନୁଦାନ ନୀତି-୨୦୧୭କୁ ସୁପ୍ରିମକୋର୍ଟ ଏପ୍ରକାର ଇଚ୍ଛାଧୀନ ଦର୍ଶାଇଛନ୍ତି । ସୂଚନାଯୋଗ୍ୟ, ରାଜ୍ୟ ସରକାରଙ୍କ ଏହି ନୀତିକୁ ବିରୋଧ କରି ୫୦୦୦ ବ୍ଲକ୍‌ ଗ୍ରାଣ୍ଟ ଶିକ୍ଷକ ଓ ଅଧ୍ୟାପକ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଫଳରେ ସୁପ୍ରିମକୋର୍ଟ ଏନେଇ ରାଜ୍ୟ ସରକାରଙ୍କୁ ଜବାବ ତଲବ କରିଥିଲେ । ଓଡ଼ିଶା ସରକାରଙ୍କ ପକ୍ଷରୁ ଉଚ୍ଚଶିକ୍ଷା ବିଭାଗ ଏବଂ ବିଦ୍ୟାଳୟ ଓ ଗଣଶିକ୍ଷା ବିଭାଗ ସତ୍ୟପାଠ ଜରିଆରେ ଏହି ନୂତନ ନୀତି କାର୍ଯ୍ୟକାରୀ କରିବାକୁ ନିଷ୍ପତ୍ତି ନେଇଥିବା ଜଣାଇଥିଲେ । ଏପରିକି ଏହାଦ୍ୱାରା ରାଜ୍ୟ ସରକାରଙ୍କୁ ଯଥାକ୍ରମେ ୫୧୪ ଓ ୪୫୩ କୋଟି ଟଙ୍କାର ଆର୍ଥିକ ବୋଝ ପଡିବ ବୋଲି ଅଦାଲତଙ୍କୁ ଜଣାଇଥିଲେ । ଏପରିକି ଏହି ନୂତନ ଦରମା ଜାନୁୟାରୀ ପହିଲା ୨୦୧୮ରୁ ଶିକ୍ଷକ ଓ ଅଧ୍ୟାପକମାନେ ପାଇବାକୁ ଯାଉଥିବା ସତ୍ୟପାଠରେ ଦର୍ଶାଇଥିଲେ । ରାଜ୍ୟ ସରକାରଙ୍କ ସତ୍ୟପାଠକୁ ଅନୁଧ୍ୟାନ କରିବା ସହ ଏହାକୁ ଅଦାଲତ ଗ୍ରହଣକରି ମାମଲାକୁ ବନ୍ଦ କରିଛନ୍ତି । ଅନ୍ୟପକ୍ଷରେ ଅନେକ ବ୍ଲକ୍‌ଗ୍ରାଣ୍ଟ ଶିକ୍ଷକ ଓ ଅଧ୍ୟାପକଙ୍କର ଚାକିରି କାଳକମ୍‌ ଥିବା, କେତେକ ଅବସର ଗ୍ରହଣ କରିସାରିଥିବା ଓ କିଛିଙ୍କର ଇତିମଧ୍ୟରେ ପରଲୋକ ଘଟିଥିବାରୁ ଏହି ନୀତିରେ ସେମାନଙ୍କୁ ବକେୟା ବାବଦ ଅର୍ଥ ମିଳିବନି କିମ୍ବା ସେମାନେ ବିଶେଷକିଛି ଆର୍ଥିକ ଫାଇଦା ପାଇବେନି ବୋଲି ଯୁକ୍ତି ବାଢି ଅସନ୍ତୋଷ ପ୍ରକାଶ କରିଛନ୍ତି ।
Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।