ଲଣ୍ଡନ ବସ୍‌ରେ ‘ସ୍ୱାଧୀନ ବେଲୁଚିସ୍ତାନ’ ବିଜ୍ଞାପନ

ଲଣ୍ଡନ ବସ୍‌ରେ ‘ସ୍ୱାଧୀନ ବେଲୁଚିସ୍ତାନ’ ବିଜ୍ଞାପନ

Copy Editor RKD | Published On: Nov 14, 2017 11:24 PM IST |   308

ଲଣ୍ଡନ : ପାକିସ୍ତାନ ଅଧୀନସ୍ଥ ବେଲୁଚିସ୍ତାନରେ ସ୍ୱାଧୀନତା ଆନେ୍ଦାଳନକୁ ଚପାଇ ଦେବା ପାଇଁ ଦେଶର ସରକାର ଯେତିକି ପ୍ରୟାସ କରୁଛନ୍ତି ସେହି ପରିମାଣରେ ଆନେ୍ଦାଳନ ତୀବ୍ର ହେବାରେ ଲାଗିଛି । ବେଲୁଚିସ୍ତାନବାସୀ ଏବେ ନିଜର ସ୍ୱାଧୀନତା ଓ ପାକିସ୍ତାନ ସରକାରଙ୍କ ଅତ୍ୟାଚାର ତଥା ମାନବାଧିକାର ଉଲଙ୍ଘନ ପ୍ରତି ବିଶ୍ୱର ଦୃଷ୍ଟି ଆକର୍ଷଣ କରିବା ପାଇଁ ସମସ୍ତ ଉଦ୍ୟମ ଚଳାଇଛନ୍ତି । ବିଶ୍ୱର ବିଭିନ୍ନ ରାଷ୍ଟ୍ରରେ ସେମାନେ ଏ ନେଇ ସ୍ୱତନ୍ତ୍ର ଅଭିଯାନ ଚଳାଇନ୍ତି । ଏହି କ୍ରମରେ ଲଣ୍ଡନରେ ସେମାନଙ୍କ ଦାବିକୁ ଅଭିନବ ଉପାୟରେ ପ୍ରଦର୍ଶନ କରାଯାଇଥିବା ଦେଖିବାକୁ ମିଳିଛି । ଲଣ୍ଡନରେ ଚଳାଚଳ କରୁଥିବା ୧୦୦ରୁ ଅଧିକ ଯାତ୍ରୀବାହୀ ବସ୍‌ରେ ସେମାନେ ‘ଫି୍ର ବେଲୁଚିସ୍ତାନ’(ସ୍ୱାଧୀନ ବେଲୁଚିସ୍ତାନ) ଲେଖାଇଛନ୍ତି । ବିଜ୍ଞାପନ ଆକାରରେ ବସ୍‌ରେ ଏହା ଲେଖାଯାଇଥିବା ପ୍ରକାଶ । ପୂର୍ବରୁ ଟ୍ୟାକ୍ସିଗୁଡ଼ିକରେ ଏଭଳି ବିଜ୍ଞାପନ ‘ସେଭ୍‌ ଦି ବେଲୁଚି ପିପୁଲ’ ବା ‘ବେଲୁଚ୍‌ବାସୀଙ୍କୁ ରକ୍ଷା କରାଯାଉ’ ଭଳି ବିଭିନ୍ନ ସ୍ଲୋଗାନ୍‌ ଲେଖା ଯାଇଥିଲା; କିନ୍ତୁ ପାକିସ୍ତାନ ପକ୍ଷରୁ ଏହାର ପ୍ରତିବାଦ କରାଯିବା ପରେ କର୍ତ୍ତୃପକ୍ଷ ଏଗୁଡ଼ିକୁ ହଟାଇ ଦେଇଥିଲେ । ବେଲୁଚି ନେତା ତଥା ଏହି ଅଭିଯାନର ନେତା ଭାୱଲ ମେଙ୍ଗାଲଙ୍କ ସୂଚନାନୁଯାୟୀ ସେମାନେ କେବଳ ବେଲୁଚିବାସୀଙ୍କର ବାର୍ତ୍ତା ପ୍ରଚାର କରୁଛନ୍ତି ଓ ଏଥିପ୍ରତି ବିଶ୍ୱର ଦୃଷ୍ଟି ଆକର୍ଷଣ କରୁଛନ୍ତି । ଏହା ମାଧ୍ୟମରେ ପାକିସ୍ତାନ ସରକାରଙ୍କ ଉପରେ ଚାପ ପକାଇବା ସେମାନଙ୍କର ଉଦେ୍ଦଶ୍ୟ ବୋଲି ସେ କହିଛନ୍ତିି । ଉଲ୍ଲେଖଯୋଗ୍ୟ ଯେ ବ୍ରିଟେନ୍‌ରେ ବହୁ ବେଲୁଚି ନେତା ଅବସ୍ଥାନ କରୁଛନ୍ତି; ଅନେକ ଶରଣାର୍ଥୀ ଜୀବନ ମଧ୍ୟ ବିତାଉଛନ୍ତିି ।
Tags:

Like Us

Breaking News

ବାଲେଶ୍ବର: ସୋର ସଜନପୁରରେ ଭୟାବହ ଅଗ୍ନିକାଣ୍ଡ, ୨ ଘଣ୍ଟା ବିତିଯାଇଥିଲେ ମଧ୍ୟ ପହଞ୍ଚିଲାନି ଦମକଳ ବାହିନୀ ଆଠଗଡ଼: ଖୁଣ୍ଟୁଣୀ ରେଞ୍ଜ ପାଇକେରାପୁରରେ ହାତୀ ଛୁଆ ମୃତଦେହ ଠାବ ଧର୍ମଗଡ଼: କଳାହାଣ୍ଡି ଜିଲା ଜାତୀୟ ରାଜପଥ ୨୬ କାଲପୋଲା ଛକ ନିକଟରେ ବ୍ୟାଣ୍ଡପାର୍ଟି ପିକଅପ୍‌ ଭ୍ୟାନ ଓ ଟ୍ରକ୍‌ ଧକ୍କାରେ ୨ ମୃତ, ୨୪ ଆହତ ଯାଜପୁର : ଯାଜପୁର ଜିଲ୍ଲା ପଂଚାୟତ କାର୍ଯ୍ୟାଳୟର ପୂର୍ବତନ ବରିଷ୍ଠ କିରାଣୀ ବିଚିତ୍ରାନନ୍ଦ ମହାନ୍ତିକୁ ଜିଲ୍ଲାପାଳ ସରକାରୀ ଚାକିରିରୁ ବହିଷ୍କାର କଲେ। ତାଙ୍କ ବିରୁଦ୍ଧରେ ଏକ କୋଟି ଅଠ।ନବେ ଲକ୍ଷ ଟଂକାର ଅନିୟମିତତା ଅଭିଯୋଗ ନେଇ ମାମଲା ରୁଜୁ ହୋଇଛି।